• “Mipela i Mas Bihainim Tok Bilong God Tasol”
    “Autim Gut Tru” Tok Bilong Kingdom Bilong God

    • 7, 8. Tok bilong ensel i mekim wanem long ol aposel? Gutpela sapos yumi givim wanem askim long yumi yet?

      7 Taim ol aposel i stap long kalabus na wetim kot bilong ol, ating ol i tingting olsem nogut ol bai karim pen na hevi na dai long han bilong ol birua. (Mat. 24:9) Tasol long nait, wanpela narakain samting i kamap—“ensel bilong Jehova i opim ol dua bilong haus kalabus.”b (Apo. 5:19) Ensel i tokim ol: “Sanap insait long tempel na wok yet long tokim ol manmeri.” (Apo. 5:20) Dispela tok i strongim ol aposel long save olsem ol i bin mekim samting i stret. Ating tok bilong ensel i strongim ol tu long sanap strong maski wanem samting i kamap. Ol aposel i gat strongpela bel na bilip, na “taim tulait i bruk ol i go long tempel na kirap skulim ol manmeri.”​—Apo. 5:21.