Wastaua INTENET LAIBRERI

‘Jehova i Givim Strong Long Tupela na Ol i No Pret Long Autim Tok’

“Autim Gut Tru” Tok Bilong Kingdom Bilong God
- 8. Bilong wanem Pol na Barnabas i lusim Aikoniam? Yumi kisim wanem skul long pasin bilong ol?
  
  ⁸ Bihain liklik, ol birua i wokim plen bilong stonim Pol na Barnabas. Taim tupela misineri i kisim save long dispela, ol i go autim tok long narapela hap. (Apo. 14:5-7) Ol man bilong autim tok bilong Kingdom i mekim wankain pasin long nau. Taim ol man i sutim tok giaman long yumi, yumi no pret long toktok. (Fili. 1:7; 1 Pita 3:13-15) Tasol taim ol i laik pait na bagarapim yumi, yumi no mekim samting we inap bagarapim laip bilong yumi yet o bilong ol wanbilip bilong yumi.—Prov. 22:3.

‘Jehova i Givim Strong Long Tupela na Ol i No Pret Long Autim Tok’

“Autim Gut Tru” Tok Bilong Kingdom Bilong God
- Aikoniam i stap long provins Galesia, long boda namel long Likonia na Frigia. Sampela man bilong raitim buk long bipo, olsem Sisero na Strabo, ol i tok Aikoniam em taun bilong Likonia, na tru tumas, Aikonia i stap long dispela hap. Tasol Buk Aposel i tok, Aikoniam i narapela long Likonia, em ples we ol i save mekim “tokples bilong Likonia.” (Apo. 14:1-6, 11) Long dispela as, ol man bilong skelim ol tok bilong Baibel i tok olsem tok bilong Buk Aposel i no stret. Tasol long 1910, ol saveman bilong digim graun i painim long Aikoniam ol samting i gat rait long en, we i soim olsem ol man i bin mekim yet tokples Frigia inap 200 yia bihain long Pol na Barnabas i bin go long dispela hap. Olsem na man bilong raitim Buk Aposel i tok tru taim em i tok Aikoniam i narapela long ol taun bilong Likonia.