-
Jehova Em i Wanem Kain Man?Stap Amamas Oltaim!—Stadi Long Baibel
-
-
3. Olsem wanem Jehova i soim olsem em i laikim yumi?
Nambawan pasin bilong Jehova em pasin laikim. Baibel i tok: “God em i pasin laikim.” (1 Jon 4:8) Jehova i kamapim pasin laikim bilong em long rot bilong Baibel, na tu, long ol samting em i wokim. (Ritim Aposel 14:17.) Olsem, skelim hau em i wokim yumi. Em i wokim yumi gut na yumi inap lukim ol naispela kala, harim ol gutpela musik, na teistim ol switpela kaikai. Em i laik bai yumi stap amamas.
-
-
Tingim Tru Laip Em Presen Yumi KisimStap Amamas Oltaim!—Stadi Long Baibel
-
-
1. Wai na yumi mas tingim tru laip?
Yumi mas tingim tru laip bikos em i presen i kam long gutpela Papa bilong yumi, Jehova. Em i “as bilong laip”—em i wokim olgeta samting i gat laip. (Buk Song 36:9) “Em yet i givim laip na win na olgeta samting long olgeta manmeri.” (Aposel 17:25, 28) Jehova i givim yumi ol samting yumi nidim bilong stap laip. Tasol bikpela samting moa, em i mekim ol samting na bai yumi stap amamas.—Ritim Aposel 14:17.
-