-
‘Tok Bilong Jehova i Go Bikpela na i Win’ Maski Ol Man i Birua“Autim Gut Tru” Tok Bilong Kingdom Bilong God
-
-
“Wanpela Samting i Kamap na i Givim Hevi” (Apo. 19:23-41)
“Yupela i save olsem long rot bilong dispela wok bisnis yumi gat gutpela sindaun.”—Aposel 19:25
16, 17. (a) Stori long olsem wanem Demitrius i statim raiot long Efesus. (b) Olsem wanem ol Efesus i soim pasin bilong ol long strong tumas long lotu?
16 Orait nau Luk i stori long wanpela wei bilong Satan long mekim wok nogut bilong em. Em i tok: “Wanpela samting i kamap na i givim hevi long Rot Bilong Bikpela.” Em i no mekim nating dispela tok.e (Apo. 19:23) Wanpela man bilong wokim ol samting long silva, em Demitrius, i statim trabel. Bilong pulim tingting bilong ol wanwok bilong em, em i tokim ol olsem long rot bilong salim ol imis, ol i kisim gutpela sindaun. Na em i tok tu olsem ol tok Pol i autim inap bagarapim bisnis bilong ol, bikos ol Kristen i no save lotuim ol imis. Em i kirapim tingting bilong ol manmeri em ol i save tingim tumas lain na kantri, taim em i tok olsem ol man bai tingim god meri Artemis na tempel bilong en olsem “samting nating”.—Apo. 19:24-27.
-
-
‘Tok Bilong Jehova i Go Bikpela na i Win’ Maski Ol Man i Birua“Autim Gut Tru” Tok Bilong Kingdom Bilong God
-
-
e Sampela i tok, Pol i stori long dispela hevi taim em i tokim ol Korin olsem “mipela i ting laip bilong mipela bai lus.” (2 Kor. 1:8) Tasol ating em i tingim samting nogut moa i bin painim em. Taim Pol i tok em i bin “pait wantaim ol wel animal long Efesus,” ating dispela i makim olsem em i bin pait tru wantaim ol wel animal long stediam o ol man i mekim nogut long em. (1 Kor. 15:32) Tok bilong Pol inap makim samting tru i bin kamap o em i tok piksa tasol.
-