• Hau Bai Famili Bilong Yu Inap Stap Amamas?—Hap 1
    Stap Amamas Oltaim!—Stadi Long Baibel

    • I no gat wanpela marit i gutpela olgeta. Olsem na tupela marit i mas wok wantaim long stretim ol hevi i kamap insait long marit bilong ol. Pilaim VIDIO, na stori long ol dispela askim.

      VIDIO: Rot Bilong Strongim Marit (5:44)

      • Long vidio, wanem sampela mak i soim olsem tupela marit i no moa pas gut wantaim?

      • Ol i mekim wanem ol samting bilong strongim marit bilong ol?

      Ritim 1 Korin 10:24 na Kolosi 3:13. Bihain long yupela ritim wan wan skripsa pinis, stori long dispela askim:

      • Taim ol marit i bihainim dispela tok, hau bai dispela i ken strongim marit bilong ol?

      Baibel i tok olsem yumi mas givim ona long narapela narapela. Pasin bilong givim ona i makim olsem yumi mas mekim gutpela pasin na soim rispek long narapela. Ritim Rom 12:10, na stori long ol dispela askim:

      • Yu ting ol man o meri marit i mas wet long poroman marit bilong ol i givim ona long em pastaim? Wai na yu ting olsem?, o wai na yu ting nogat?

  • Strongim Pasin Wanbel Insait Long Kongrigesen
    Stap Amamas Oltaim!—Stadi Long Baibel

    • 3. Yu bai mekim wanem sapos yu gat hevi wantaim wanpela wanbilip Kristen?

      Yumi stap wanbel wantaim, tasol yumi no gutpela olgeta. Sampela taim yumi inap mekim samting i bagarapim bel bilong narapela narapela. Olsem na Baibel i tokim yumi long “wok yet . . . long fogivim narapela,” na i tok moa: “Jehova i amamas long fogivim yupela, olsem na yupela tu i mas mekim wankain pasin.” (Ritim Kolosi 3:13.) Planti taim yumi save mekim Jehova i bel hevi, tasol em i save fogivim yumi. So em i laik bai yumi tu i fogivim ol brata bilong yumi. Sapos yu luksave olsem yu bagarapim bel bilong wanpela, yu mas go pas long stretim dispela hevi.​—Ritim Matyu 5:23, 24.b

  • Strongim Pasin Wanbel Insait Long Kongrigesen
    Stap Amamas Oltaim!—Stadi Long Baibel

    • 5. Redi long fogivim narapela na stap wanbel wantaim

      Jehova i redi long fogivim yumi maski yumi no gat wok long fogivim em. Ritim Buk Song 86:5, na stori long ol dispela askim:

      • Long dispela ves yumi kisim wanem skul long pasin bilong Jehova long fogivim ol sin?

      • Wai na yu amamas olsem em i save fogivim yu?

      • Wanem sampela samting inap kamap na i hatwok long yumi stap wanbel wantaim ol arapela?

      Olsem wanem yumi ken bihainim pasin bilong Jehova na stap wanbel wantaim ol bratasista bilong yumi? Ritim Provep 19:11, na stori long dispela askim:

      • Taim wanpela i sikirapim bel bilong yu o mekim yu bel hevi, yu ken mekim wanem bilong stretim dispela hevi?

      Sampela taim yumi inap bagarapim bel bilong ol narapela. Taim dispela i kamap, yumi mas mekim wanem? Pilaim VIDIO, na stori long dispela askim.

      VIDIO: Pasin Wanbel i Save Kamapim Ol Blesing (6:01)

      • Long vidio, sista i mekim wanem bilong kamapim pasin wanbel?