Aposel Pol i tokim ol Kristen Hibru i bin stap long taim bilong ol aposel olsem: “Ol manmeri bilong God bai i gat malolo i stap yet, em i olsem malolo bilong de Sabat. Na yumi save, man i go insait long ples malolo bilong God, em i pinisim wok bilong en na i malolo, olsem bipo God i pinisim wok bilong em yet na i malolo. Orait yumi mas wok strong bilong i go insait long dispela ples malolo.”​​—⁠Hibru 4:​9-​11.

Yumi ken tingim gen tok bilong Pol long Buk Hibru. Em i tok “ol manmeri bilong God bai i gat malolo i stap yet,” na em i tokim ol wanlain Kristen long ol i mas wok strong bambai ol inap “i go insait long dispela ples malolo.” Dispela i soim olsem taim Pol i raitim dispela tok, dispela “de namba 7” bilong malolo bilong God​—⁠em i bin kirap olsem 4,000 yia paslain long taim bilong Pol​—⁠em i wok i go yet. Em bai pinis long taim laik bilong God long ol manmeri na graun i kamap tru olgeta long pinis bilong Taim Bilong Wan Tausen Yia Bilong Jisas Krais i Stap King, em dispela man bilong “bosim de Sabat.”​​—⁠Matyu 12:8; KTH 20:​1-6; 21:​1-4.