⁷ Tasol Jehova i gat pasin daun, long wanem, em i amamas long mekim ol samting long ol man bilong graun na long dispela rot em i daunim em yet. Jehova i gat pasin isi tu. Em i skulim ol wokman bilong em olsem pasin isi em i bikpela samting bilong savetingting. Olsem na Baibel i tok long “pasin isi em savetingting i as bilong en.” (Jems 3:13) Jehova i stap gutpela piksa long dispela samting. Orait nau yumi ken stori long dispela.