Revelesen 11:3 i stori long tupela man husat bai autim tok inap 1,260 de. Baibel i stori olsem wel animal bai “daunim tupela na kilim tupela i dai.” Tasol bihain long “3 na hap de,” dispela tupela man bai kisim laip gen na olgeta manmeri husat i lukim tupela, ol bai kirap nogut tru.—Rev. 11:7, 11.

Bihain long ol i pasim laplap bilong sori na mekim wok autim tok, ol birua i putim ol long kalabus inap sotpela haptaim, na olsem tok profet i makim, i olsem ol i stap kalabus inap 3 na hap de. Long ai bilong ol man husat i birua long lain bilong God, i olsem wok bilong dispela tupela man i dai, olsem na ol birua i kisim bikpela amamas.—Rev. 11:8-10.