Singsing 14

Olgeta Samting Bai Kamap Nupela

(Revelesen 21:1-5)

1. Ol mak bilong nau makim Kingdom i stap.

Nau Krais i sindaun long sia King antap.

Em pait long heven na i winim pait.

Long graun tu bai laik bilong God i stap.

(Singsing Gen)

2. Nupela Jerusalem nau em i stap,

Em klinpela meri blong Jisas Krais.

Em putim gutpela bilas blong en;

Jehova tasol givim lait long en.

(Singsing Gen)

3. Dispela taun em i gutpela tumas.

Na ol dua bai op long san na long nait.

Ol lain man bai raun long lait bilong en;

Ol wokman blong God i mas lait i stap.

(SINGSING GEN)

Nau God i stap wantaim ol man;

Yumi mas amamas long en.

Ol man bai no ken krai na hevi,

Bai no gat pen na no gat indai;

God tok: ‘Bai mi wokim nupela tru.’

Yes, tok bilong mi em tru.

(Lukim tu Mat. 16:3; Rev. 12:7-9; 21:23-25.)