SINGSING 139
Piksaim Yu Yet Long Nupela Taim
1. Lukim yu yet, lukim mi tu;
Lukim olgeta long nupela taim.
Tingim sindaun bai wanem kain,
Taim yumi stap fri na bel isi.
Ol man nogut ol bai no stap;
Wok bos blong God i no nap pundaun.
Em taim bilong nupela sindaun long graun,
Yumi laik singsing bilong
tok tenkyu long God:
(SINGSING GEN)
“Tenkyu Jehova, yu mekim gut tru.
Olgeta samting i nupela tru.
Mipela pilim tru gutpela wok blong yu;
Olgeta glori na ona i go long yu.”
2. Lukim yu yet, lukim mi tu;
Na lukim nupela taim i klostu.
Bai i no gat wanpla samting
I mekim yumi tingting planti.
Tok bilong God i kamap tru;
Nau em i lukautim ol lain man.
Nau em bai kirapim bek ol man i dai;
Na ol bai tenkyu na
singsing wantaim yumi:
(SINGSING GEN)
“Tenkyu Jehova, yu mekim gut tru.
Olgeta samting i nupela tru.
Mipela pilim tru gutpela wok blong yu;
Olgeta glori na ona i go long yu.”
(Lukim tu Sng. 37:10, 11; Ais. 65:17; Jon 5:28; 2 Pita 3:13.)