‘Bipo Ol i Save Lap’

Wanpela soldia long Hangari i tok, liklik taim bipo ol manmeri i save lap long ol lain i toktok long Baibel. Tasol nau, nogat. Long dispela taim dispela soldia i raitim pas long ofis bilong Sosaiti Was Taua long biktaun Budapes na em i tok:

“Sampela de i go pinis mi bin kaunim buk bilong yupela, nem bilong en Yu Inap i Stap Oltaim Long Paradais Long Graun. Wanpela man i givim long mi bilong kaunim na bihain mi mas bekim long em. Mi pilim tru ol tok bilong dispela buk na i kirapim tingting bilong mi.” Dispela soldia i laik kisim wanpela Baibel na em i laik kisim sampela save moa. Kain samting olsem i kamap planti taim nau long Isten Yurop.

Ofis long Budapes i kisim narapela pas i tok: “Mi kaunim pinis buk bilong yupela, nem bilong en Yu Inap i Stap Oltaim Long Paradais Long Graun. Mi pilim tru ol tok bilong en, olsem na mi raitim pas long yupela bilong askim yupela long salim wanpela Witnes i kam long haus bilong mi na lainim mi long Baibel long olgeta taim.”

Dispela buk Yu Inap i Stap Oltaim Long Paradais Long Graun i kamapim ol tok bilong Baibel long ol askim bilong yumi, na em inap helpim yu long bilip na wetim God i mekim gut long yumi. Dispela buk i bin helpim planti man long senisim pasin bilong ol na bihainim gutpela pasin. Sapos yu laik kisim wanpela, plis raitim nem na atres bilong yu long hap pepa daunbilo na salim i kam.

[Piksa long pes 32]

Taim papamama i larim dokta i katim pikinini na pikinini i kisim pen, i gat as bilong dispela samting na papamama i mekim olsem. Na i gat as tu na God i larim ol manmeri i karim hevi inap liklik taim