Wanpela Katolik i Laikim

Wanpela Witnes Bilong Jehova i raun long ka long hap bilong bus long Vejinia, long Amerika na taia i slek. Wanpela haus i stap klostu na em i go paitim dua. Meri bilong haus i larim em i go insait na telefon long wanpela man i kam helpim em. Bihain Witnes i raitim pas long dispela meri bilong tok tenkyu long em na em i salim wanpela buk long dispela meri, olsem presen, nem bilong buk em olsem: Yu Inap i Stap Oltaim long Paradais long Graun. Meri i bekim pas na em i tok:

“Mi mas tok stret long yu, mi wanpela Katolik. Na taim ol man i kisim Wastaua o sampela liklik nius i kam long haus bilong mi, mi save sakim ol. Sapos ol i subim mi long kisim, mi save kisim na bihain mi tromoi long dram pipia. Taim mi liklik yet mi lain long lotu Katolik na mi strong long lotu bilong mi.

“Tasol mi laikim dispela buk yu salim long mi, long wanem em i gat tok ‘Paradais’ long nem bilong en, na rait bilong en i bikpela na i no hatwok long kaunim. Ol askim i stap daunbilo long ol pes i kirapim mi long kaunim ol tok, na mi laikim ol piksa. Mi laikim tru piksa i stap long pes 11, long wanem mi laik kamapim kain paradais hia bilong ol pisin na ol animal. Mi lukautim ol dia na rabit na sampela kain liklik kapul na welpaul na ol kain kain pisin. . . .

“Yu mekim bikpela wok tru, long wanem yu kirapim wanpela strongpela Katolik long kaunim wanpela buk bilong narapela lotu! Tru, mi no ken lusim lotu bilong mi na bihainim narapela lotu. Tasol mi kaunim dispela buk, na nau man bilong mi i kaunim. Tenkyu tru!”

Dispela gutpela buk i gat 256 pes, em mak bilong en i wankain olsem bilong dispela nius na i gat planti piksa long ol gutpela kala, winim 150. Salim K2.00 i kam na bai yu inap kisim dispela buk.

Plis salim dispela buk long mi, nem bilong en Yu Inap i Stap Oltaim long Paradais long Graun. Mi putim olsem K2.00 i stap insait long dispela pas.