Kirapim Ol Baibel Stadi Long Dua Bilong Haus na Long Telefon

Ol Tok Yu Ken Mekim Bilong Tilim Ol Nius

Wastaua Julai 15

“Insait long planti tausen yia ol man i bin stap long en, ol i bin kamapim kain kain bilip. Yu ting yu inap save wanem bilip i stret na wanem bilip i no stret? [Larim man i bekim tok.] Dispela nius i stori long yu inap painim we ol stretpela bilip em God i orait long en.” Ritim 2 Timoti 3:⁠16.

Kirap! Julai-Septemba

“Ating planti man i save long Jisas Krais, winim olgeta narapela man i bin stap long graun, tasol planti i laik kliagut long Jisas em i husat tru. Yu bin save olsem ol aposel bilong Jisas tu i bin tingting long dispela? [Larim man i bekim tok. Orait nau ritim Mak 4:41.] Dispela nius i skelim tok Baibel i mekim long Jisas em i husat tru.”

Wastaua Ogas 1

“Planti man long nau i pilim olsem ol i nogut tasol. Yu ting wanem samting inap helpim ol? [Larim man i bekim tok.] Dispela nius i stori long olsem wanem Baibel inap helpim ol kain man olsem long stap amamas tru.” Kamapim ol skripsa i stap long strongpela rait long stori “Baibel Inap Helpim Yu Long Stap Amamas.”