• Kibung Distrik i Kirapim Yumi Long Wokabaut Wantaim God
    2005 Wok Kingdom | Janueri

    • 16. Olsem wanem ol yangpela inap sakim rot bilong ol man nogut? (Snd. 4:14; “Ol Yangpela​​—⁠Wokabaut Long Rot Bilong Stretpela Pasin”)

      17. (a) Long wanem ol rot Pol i stap gutpela piksa long pasin bilong sanap strong? (Ap. 14:​19, 20; 16:​25-33) (b) Bilong wanem i no gat wok long yumi pret long ol birua bilong tok i tru? (Drama na tok “Autim Tok Long Nau Maski Ol Man i Birua”)

      18. Ol man i wokabaut wantaim God i kisim wanem ol blesing? (“Pasin Bilong Wokabaut Wantaim God Bai Kamapim Ol Blesing Nau na Bihain”)

      Yumi mas strong long bihainim tok i kamap ‘baksait long yumi’ na bai yumi wokabaut wantaim Papa bilong yumi long heven inap oltaim oltaim.​—⁠Ais. 30:21; Jo. 3:36.

  • Ol Toksave
    2005 Wok Kingdom | Janueri

    • Ol Toksave

      ◼ Janueri: Wanpela bilong ol buk ol i bin wokim paslain long 1990 long tok Inglis, tok Hiri Motu, o Tok Pisin na kongrigesen i gat sampela i stap yet. Sapos yupela i no gat sampela bilong ol dispela buk, orait sekim narapela kongrigesen i stap klostu long yupela, sapos ol i gat planti, orait yupela i ken kisim. Sapos i no gat ol dispela buk orait yupela i ken tilim buk Save. Februeri 1-12: Buk Go Klostu Long Jehova. Februeri 13–Mas 12: Bikpela wok bilong tilim buklet Was i Stap! Mas 13-31: Buk Save i Bringim Man Long Laip Oltaim. Wok strong long kirapim ol Baibel stadi. Epril: Wastaua na Kirap!

      ◼ Ol kongrigesen i mas redim ol samting bilong mekim Memorial bilong dispela yia long Fonde, Mas 24, taim san i go daun. [Harim: Toksave i stap long Wok Kingdom bilong Disemba 2004 long Memorial bai kamap long Trinde, em i no stret.] Tok bilong Memorial i ken kirap paslain long taim san i no go daun yet, tasol wok bilong tilim bret na wain i no ken kirap paslain long san i go daun. I gutpela long olgeta wan wan kongrigesen i mekim Memorial bilong ol yet. Tasol ating sampela i no inap mekim olsem. Sampela kongrigesen i ken painim narapela ples bilong mekim Memorial. Sapos tupela kongrigesen bai bung long wanpela Haus Kingdom, orait mipela i laik bai yupela i gat 40 minit namel long tupela miting bambai Memorial i ken helpim olgeta. Yupela i mas tingim ples bilong putim ol ka, na hap we ol ka bai kam tasol bilong lusim o kisim ol man. Ol elda i mas pasim tok long wanem pasin i gutpela long bihainim long hap bilong ol.