Mipela i Nidim Helpim Bilong Yu
“Tenkyu long olgeta samting yu mekim long mipela. Wok bilong yu i bin helpim tru mipela.” Dispela tok i kamapim klia olsem yumi pilim tru gutpela wok bilong ol elda na kongrigesen sevan. Oganaisesen bilong God i wok long i go bikpela, olsem na i mas i gat ol strongpela brata bilong mekim wok elda long klostu 100,000 kongrigesen long olgeta hap. Sapos yu wanpela brata i baptais pinis, mipela i nidim helpim bilong yu.
“Man i Laik Kamap Wasman”: Yu ken mekim wanem bilong kisim sampela wok moa insait long kongrigesen? (1 Tim. 3:1) Yu mas i stap gutpela piksa long olgeta samting yu mekim. (1 Tim. 4:12; Tai. 2:6-8; 1 Pita 5:3) Yu mas givim bel tru long autim tok, na helpim ol narapela long mekim olsem tu. (2 Tim. 4:5) Wok long save gut long ol wanbilip bilong yu na helpim ol. (Rom 12:13) Stadi gut long Baibel na kisim pasin bilong “skulim” gut ol man. (Tai. 1:9; 1 Tim. 4:13) Mekim gut ol wok em ol elda i givim yu. (1 Tim. 3:10) Sapos yu wanpela papa, mekim gutpela wok long ‘bosim gut ol wanhaus bilong yu.’—1 Tim. 3:4, 5, 12.
Bilong mekim wok olsem elda o kongrigesen sevan yu mas wok strong na daunim sampela laik bilong yu yet. (1 Tim. 5:17) Olsem na bilong kisim laik long mekim sampela wok moa, tingting long daunim yu yet na helpim ol narapela. (Mat. 20:25-28; Jon 13:3-5, 12-17) Tingim tingim long bel pasin bilong Timoti, na wok strong long bihainim. (Fili. 2:20-22) Olsem Timoti, larim gutpela pasin bilong yu i opim rot long yu mekim sampela wok moa. (Apo. 16:1, 2) Taim yu wok long kisim ol pasin em holi spirit bilong God i kamapim long mekim sampela wok moa na yu bihainim ol tok em sampela i givim bilong helpim yu, “bai olgeta manmeri i ken lukim klia olsem yu wok long kamap strong moa.”—1 Tim. 4:15.
Ol Papamama, Lainim Ol Pikinini Long Helpim Ol Narapela: Taim ol pikinini i liklik yet, ol inap kirap long lain long pasin bilong helpim ol narapela. Lainim ol long putim gut yau long taim bilong miting, long autim tok, na bihainim gutpela pasin long Haus Kingdom na long skul. Skulim ol long helpim ol narapela, mekim ol samting olsem klinim Haus Kingdom, helpim ol lapun, na olkain wok olsem. Helpim ol long kisim amamas long pasin bilong givim samting long narapela. (Apo. 20:35) Kain skul olsem inap helpim ol long kamap painia, kongrigesen sevan na elda long bihain.
This is a repeat of the article in km04 12-MP