Ol Tok Bilong Baibel Bilong Toktok Long En
(Ol ves mipela i kamapim bilong Ol Skripsa Hibru mipela i kisim long Buk Baibel. Tasol sapos mipela i kisim tok long narapela Baibel, orait mipela i toksave long dispela. Lukim pes 639 bilong kisim save long ol sotpela wei bilong raitim ol nem bilong ol wan wan buk bilong Ol Skripsa Hibru.)
1. Armagedon
A. Woa bilong God bilong pinisim pasin nogut
Olgeta kantri i bung long Armagedon. Re 16:14, 16
God i pait, em i yusim Pikinini bilong en na ol ensel. 2Te 1:6-9; Re 19:11-16
Rot bilong abrusim bagarap. Sef 2:2, 3; Re 7:14
B. I stret wantaim pasin laikim bilong God
Pasin bilong ol man i nogut tru. 2Ti 3:1-5
God i no les kwik, tasol stretpela pasin i kirapim em long mekim kot. 2Pi 3:9, 15; Lu 18:7, 8
Ol man nogut i mas pinis, bai ol gutpela man i ken stap gut. Sd 21:18; Re 11:18
2. Autim Tok
A. Olgeta Kristen i mas autim tok bilong gutnius
Mas kamapim nem bilong Jisas long ol man na bai God i ken orait long yu. Mt 10:32
Mas bihainim tok bilong Baibel, kamapim bilip. Jem 1:22-24; 2:24
Ol nupela bilipman tu i mas kamap tisa. Mt 28:19, 20
Tokaut long bilip na God bai kisim bek yu. Ro 10:10
B. Mas autim tok long ol man planti taim, no ken lusim wok
Mas toksave long ol man olsem pinis i laik kam. Mt 24:14
Inap planti yia Jeremaia i autim tok olsem Jerusalem bai bagarap. Jer 25:3
Olsem ol Kristen bilong bipo, no ken lusim wok. Ap 4:18-20; 5:28, 29
C. Mas autim tok na bai yu no gat asua long blut
Mas toksave olsem pinis i laik i kam. Ese 33:7; Mt 24:14
Sapos yu no mekim bai yu gat asua long blut. Ese 33:8, 9; 3:18, 19
Pol i no gat asua long blut; em i autim olgeta tok i tru. Ap 20:26, 27; 1Ko 9:16
Man i autim tok na man i harim, tupela wantaim bai kisim laip. 1Ti 4:16; 1Ko 9:22
3. Baibel
A. Spirit bilong God i kamapim olgeta tok bilong Baibel
Spirit bilong God i kirapim ol man long raitim ol tok. 2Pi 1:20, 21
Ol tok profet i stap: Da 8:5, 6, 20-22; Lu 21:5, 6, 20-22; Ai 45:1-4
Baibel olgeta i kam long God na i gutpela. 2Ti 3:16, 17; Ro 15:4
B. Em i gutpela long helpim yumi long nau
Man i sakim ol stiatok bilong Baibel em bai dai. Ro 1:28-32
Savetingting bilong man i sot. 1Ko 1:21, 25; 1Ti 6:20
Baibel i helpim yumi long sakim namba wan strongpela birua. Ef 6:11, 12, 17
Soim stretpela rot long man. Sg 119:105; 2Pi 1:19; Sd 3:5, 6
C. Baibel i bilong olgeta man
Ol i bin kirap raitim Baibel long hap Is. Ki 17:14; 24:12, 16; 34:27
I no bilong ol waitman tasol. Ro 10:11-13; Ga 3:28
God i orait long man bilong olgeta lain. Ap 10:34, 35; Ro 5:18; Re 7:9, 10
4. Baptais
A. Olgeta Kristen i mas baptais
Jisas i stap gutpela eksampel. Mt 3:13-15; Hi 10:7
Makim olsem yu givim yu yet olsem dediket. Mt 16:24; 1Pi 3:21
Em bilong ol man i bikpela inap long wokim gut tingting, ol bebi nogat. Mt 28:19, 20; Ap 2:41
Mas go insait olgeta long wara. Ap 8:38, 39; Jon 3:23
B. I no tekewe ol sin
Jisas i no baptais bilong tekewe ol sin. 1Pi 2:22; 3:18
Blut bilong Jisas i save tekewe ol sin. 1Jo 1:7
5. Beten
A. Ol beten God i save harim
God i save harim beten bilong ol man. Sg 145:18; 1Pi 3:12
Em i no save harim beten bilong man nogut; man i mas tanim bel. Ai 1:15-17
Mas beten long nem bilong Jisas. Jon 14:13, 14; 2Ko 1:20
Mas mekim beten i stret wantaim laik bilong God. 1Jo 5:14, 15
Mas i gat bilip. Jem 1:6-8
B. I no stret long kolim nating seim beten gen na gen, o beten long Maria o ol santu
Mas beten long God long nem bilong Jisas. Jon 14:6, 14; 16:23, 24
God i no save harim beten bilong man i kolim nating wankain tok gen na gen. Mt 6:7
6. Birua na Mekim Nogut Long Kristen
A. As na ol i biruaim Kristen
Ol i heitim Jisas; em i tok profet long pasin birua bai kamap. Jon 15:18-20; Mt 10:22
Yumi bihainim ol gutpela stiatok, dispela i kotim ol man. 1Pi 4:1, 4, 12, 13
Satan, god bilong dispela graun, i birua long Kingdom. 2Ko 4:4; 1Pi 5:8
Kristen i no pret, God i sambai long em. Ro 8:38, 39; Jem 4:8
B. Meri i no ken larim man bilong en i pasim em long lotuim God
I gat tok lukaut; ol arapela bai giamanim man. Mt 10:34-38; Ap 28:22
Meri mas lukluk long God na Krais. Jon 6:68; 17:3
Gutpela pasin bilong meri inap helpim man. 1Ko 7:16; 1Pi 3:1-6
Man i het, tasol em i no ken bosim lotu bilong meri. 1Ko 11:3; Ap 5:29
C. Man i no ken larim meri bilong en i stopim em long lotuim God
Mas laikim meri pikinini, na laik bai ol i kisim laip. 1Ko 7:16
Em wok bilong man long wokim ol disisen na lukautim famili. 1Ko 11:3; 1Ti 5:8
God i laikim man husat i sambai long tok i tru. Jem 1:12; 5:10, 11
Man i laik i stap wanbel wantaim narapela na i lusim lo bilong God, God i no orait long em. Hi 10:38
Mas helpim famili long kisim laip long nupela taim. Re 21:3, 4
7. Blut
A. Kisim blut long haus sik i brukim lo bilong God
God i tokim Noa blut i holi; em olsem laip. St 9:4, 16
Lo Bilong Moses i tambu long kaikai blut. Wk 17:14; 7:26, 27
Dispela lo i go long ol Kristen tu. Ap 15:28, 29; 21:25
B. Maski blut inap seivim laip, no ken brukim lo bilong God
Pasin bilong bihainim tok i winim sakrifais. 1Sm 15:22; Mk 12:33
Man i tingim laip na i no tingim lo bilong God, em bai dai. Mk 8:35, 36
8. Bung Wantaim Narapela Lotu
A. God i no orait long pasin bilong bung wantaim ol arapela lotu
Wanpela rot tasol, em i liklik, i no planti i bihainim. Ef 4:4-6; Mt 7:13, 14
Bilip giaman i save bagarapim lotu. Mt 16:6, 12; Ga 5:9
No ken pas wantaim narapela lotu. 2Ti 3:5; 2Ko 6:14-17; Re 18:4
B. “Olgeta lotu i gutpela,” dispela tok i no stret
Sampela i givim bel long mekim lotu, tasol samting ol i mekim i no stret wantaim laik bilong God. Ro 10:2, 3
Samting nogut i save bagarapim ol gutpela samting. 1Ko 5:6; Mt 7:15-17
Samting tisa giaman i mekim i bagarapim man. 2Pi 2:1; Mt 12:30; 15:14
Bilong lotu i stap klin, mas lotuim Jehova wanpela tasol. Lo 6:5, 14, 15
9. Det, 1914 C. E.
A. Taim Bilong Ol Arapela Lain i pinis long 1914 C.E.
Lain king bilong kingdom i bagarap long 607 B.C.E. Ese 21:25-27
“7-pela hap taim” i mas pinis pastaim na bai wok king i ken kirap gen. Da 4:32, 16, 17, NW
7 = 2 x 3 1⁄2 taim, o 2 x 1,260 de. Re 12:6, 14; 11:2, 3
Wanpela de i makim wanpela yia. [Em 2,520 yia] Ese 4:6; Nam 14:34
“7-pela hap taim” i pinis taim Kingdom i kamap. Lu 21:24; Da 7:13, 14
10. Diwai Kros (Kruse)
A. Ol i nilim Jisas long pos bilong semim em
Ol i hangamapim Jisas long wanpela pos o diwai. Ap 5:30; 10:39; Ga 3:13
Ol Kristen i mas karim diwai pos, long dispela rot ol i kisim sem. Mt 10:38; Lu 9:23
B. No ken lotuim diwai kros o kruse
Diwai kros i save semim nem bilong Jisas. Hi 6:6; Mt 27:41, 42
Yusim diwai kros long lotu i olsem lotuim giaman god. Ki 20:4, 5; Jer 10:3-5
Jisas em i wanpela spirit, em i no stap moa long pos. 1Ti 3:16; 1Pi 3:18
11. Giaman Profet
A. Baibel i tok profet olsem ol giaman profet bai kamap; ol i bin i stap long taim bilong ol aposel
Rot bilong save long giaman profet. Lo 18:20-22; Lu 6:26
Baibel i tok profet olsem ol bai kamap; long wok bilong ol yumi inap luksave long ol. Mt 24:23-26; 7:15-23
12. God Triwan
A. God, Papa, em wanpela Man, no gat narapela i winim em
God i no 3-pela man, em wanpela. Lo 6:4; Mal 2:10; Mk 10:18; Ro 3:29, 30
God i wokim Pikinini; pastaim God wanpela tasol i stap. Re 3:14; Kl 1:15; Ai 44:6
Long olgeta taim God i stap Bikpela bilong heven na graun. Fl 2:5, 6; Da 4:35
Mas litimapim nem bilong God, em antap tru. Fl 2:10, 11
B. Long olgeta taim Pikinini i stap aninit long Papa
Long heven Pikinini i bihainim tok bilong Papa, Papa i salim Pikinini i kam. Jon 8:42; 12:49
Long graun Pikinini i bihainim tok bilong Papa, Papa i winim Pikinini. Jon 14:28; 5:19; Hi 5:8
Em i kisim biknem long heven, tasol em i daun yet long Papa. Fl 2:9; 1Ko 15:28; Mt 20:23
Jehova em i het bilong Krais na em i God bilong Krais. 1Ko 11:3; Jon 20:17; Re 1:6
C. God na Krais i olsem wanpela
Oltaim tupela i gat wankain tingting na i stap wanbel. Jon 8:28, 29; 14:10
Tupela i stap wanpela olsem man na meri marit. Jon 10:30; Mt 19:4-6
Olgeta bilipman mas stap olsem wanpela, o wanbel. Jon 17:20-22; 1Ko 1:10
Lotuim Jehova wanpela tasol long rot bilong Krais inap oltaim oltaim. Jon 4:23, 24
D. Holi spirit bilong God em i strong bilong em long mekim wok
Em strong bilong God, em i no wanpela man. Mt 3:16; Jon 20:22; Ap 2:4, 17, 33
Em i no olsem wanpela man i stap long heven wantaim God na Krais. Ap 7:55, 56; Re 7:10
God i salim i go bilong mekim ol samting God i tingting pinis long mekim. Sg 104:30, NW; 1Ko 12:4-11
God i givim holi spirit long ol man i lotuim em, na holi spirit i stiaim ol. 1Ko 2:12, 13; Ga 5:16
13. Graun
A. Samting God i tingting pinis long mekim long graun
Kamapim Paradais long graun bilong ol man i gutpela olgeta. St 1:28; 2:8-15
Samting God i tingting pinis long mekim bai kamap. Ai 55:11; 46:10, 11
Ol gutpela man bilong pasin isi bai pulap long graun. Sg 72:7; Ai 45:18; 9:6, 7
Kingdom bai kamapim bek Paradais. Mt 6:9, 10; Re 21:3-5
B. Graun i no ken bagarap; oltaim ol man bai stap long graun
Graun bai stap oltaim. Sa 1:4; Sg 104:5
Ol man long taim bilong Noa i bagarap, graun nogat. 2Pi 3:5-7; St 7:23
Noa i abrusim bagarap, olsem na ol man i ken bilip olsem sampela bai abrusim bagarap bilong nau. Mt 24:37-39
Ol man nogut i kisim bagarap; “bikpela lain” bai abrusim bagarap. 2Te 1:6-9; Re 7:9, 14
14. Hel (Hades, Sheol)
A. I no ples tru we ol man i kisim pen long paia
Jop i wok long kisim pen, tasol em i beten long i go long ples bilong ol man i dai pinis. Jop 14:13
Man i stap long dispela ples i no inap mekim wanpela samting. Sg 6:5; Sa 9:10; Ai 38:18, 19
Jisas i kirap bek long matmat (hel, KJ ). Ap 2:27, 31, 32; Sg 16:10
Ol arapela man i stap long matmat (hel, KJ ) bai kirap bek; bihain, God bai pinisim matmat (hel). Re 20:13, 14
B. Paia i makim samting i bagarap olgeta
Paia i makim dai. Mt 25:41, 46; 13:30
Ol man nogut i no tanim bel bai pinis olgeta, wankain olsem paia i pinisim ol samting. Hi 10:26, 27
“Pen” Satan bai kisim long bikpela paia i makim olsem em bai dai olgeta, no gat kirap bek. Re 20:10, 14, 15
C. Stori bilong maniman na Lasarus i no kamapim olsem i gat ples bilong kisim pen oltaim
Paia i no makim paia tru tru, wankain olsem bros bilong Abraham i no makim bros tru tru. Lu 16:22-24
Man i no stap gut wantaim Abraham i stap long tudak. Mt 8:11, 12
Baibel i tok bagarap i painim Babilon i olsem paia i kukim em na em i kisim bikpela pen. Re 18:8-10, 21
15. Heven
A. Em 144,000 tasol bai go long heven
Liklik lain tasol bai wok king wantaim Krais. Re 5:9, 10; 20:4
Jisas i go pas; God i makim ol arapela bihain long em. Kl 1:18; 1Pi 2:21
Planti arapela bai kisim laip long graun. Sg 72:8; Re 21:3, 4
144,000 i gat bikpela wok ol arapela i no gat. Re 14:1, 3; 7:4, 9
16. Holi Spirit, Wok Bilong Ol Spirit Nogut
A. Holi spirit em wanem samting?
Em strong bilong God i mekim wok, i no wanpela man. Ap 2:2, 3, 33; Jon 14:17
God i yusim bilong wokim olgeta samting, na bilong kamapim ol tok bilong Baibel. St 1:2; Ese 11:5
Kamapim na makim lain bilong Krais. Jon 3:5-8; 2Ko 1:21, 22
Givim strong, na stiaim lain bilong God long nau. Ga 5:16, 18
B. Yumi mas sakim wok bilong ol spirit nogut
Tok bilong God i tambuim. Ai 8:19, 20; Wk 19:31; 20:6, 27
I tambu long lukim glasman bilong kisim save long ol samting bai kamap bihain. Ap 16:16-18
Man i mekim bai bagarap. Ga 5:19-21; Re 21:8; 22:15
I tambu long lukluk long ol sta bilong painim save. Lo 18:10-12; Jer 10:2
17. Holide, Betde
A. Ol Kristen bilong bipo i no bin selebretim Krismas na ol betde
Ol man i no lotuim Jehova i bin mekim. St 40:20; Mt 14:6
Mas tingim de Jisas i bin dai. Lu 22:19, 20; 1Ko 11:25, 26
Ol pati i gat planti pairap na dring spak i no stret. Ro 13:13; Ga 5:21; 1Pi 4:3
18. Imis
A. Yusim ol imis long lotu, dispela i daunim God
No gat wanpela inap wokim imis i makim stret God. 1Jo 4:12; Ai 40:18; 46:5; Ap 17:29
Ol Kristen i mas stap longwe long ol imis. 1Ko 10:14; 1Jo 5:21
Mas lotuim God long spirit na pasin i tru. Jon 4:24
B. Ol Israel i kisim bagarap taim ol i lotuim ol imis
I tambu long ol Juda i lotuim ol imis. Ki 20:4, 5
Imis i no inap harim, toktok; ol man i wokim imis bai kamap wankain olsem ol imis. Sg 115:4-8
Ol i lotuim ol imis na ol i kisim bagarap. Sg 106:36, 40-42; Jer 22:8, 9
C. God i no orait long lotuim em long rot bilong narapela samting
God i no larim ol man i lotuim em long rot bilong narapela samting. Ai 42:8
God tasol em man bilong “harim beten.” Sg 65:1, 2
19. Indai
A. As na ol man i save dai
Pastaim man i stap gutpela olgeta na em inap i stap oltaim. St 1:28, 31
Pe bilong sakim tok em indai. St 2:16, 17; 3:17, 19
Sin na dai i kisim olgeta pikinini bilong Adam. Ro 5:12
B. Ol daiman i stap olsem wanem
Ol daiman i no save long wanpela samting. Sa 9:5, 10; Sg 146:3, 4
Ol daiman i slip i stap, wetim kirap bek. Jon 11:11-14, 23, 26; Ap 7:60
C. No inap toktok wantaim ol daiman
Ol daiman i no stap wantaim God olsem spirit. Sg 115:17; Ai 38:18
Baibel i tambuim yumi long traim long toktok wantaim ol daiman. Ai 8:19; Wk 19:31
God i no orait long olkain pasin bilong glasman. Lo 18:10-12; Ga 5:19-21
20. Jehova, God
A. Nem bilong God
“God” i no wanpela nem tru; Bikpela bilong yumi i gat nem bilong em yet. 1Ko 8:5, 6
Yumi beten askim God long nem bilong en i mas stap holi. Mt 6:9, 10
Jehova em nem bilong God. Sg 83:18, NW; Ki 6:2, 3, NW; Ai 42:8, NW; Mt 4:10; Re 15:3
Nem i stap long King James Version. (Ki 3:15, Buk Baibel, futnot; Yawe). Ki 6:3; Sg 83:18; Ai 12:2; 26:4
Jisas i kamapim dispela nem. Jon 17:6, 26; 5:43; 12:12, 13, 28
B. God i stap
Man i no inap lukim God na stap laip. Ki 33:20; Jon 1:18; 1Jo 4:12
Man i ken bilip, maski em i no lukim God. Hi 11:1; Ro 8:24, 25; 10:17
Lukim samting God i wokim na kisim save long em. Ro 1:20; Sg 19:1, 2
Truim bilong tok profet i soim yumi olsem God i stap. Ai 46:8-11
C. Ol pasin bilong God
God em i pasin laikim. 1Jo 4:8, 16; Ki 34:6; 2Ko 13:11; Mai 7:18
Em i gat bikpela savetingting. Jop 12:13; Ro 11:33; 1Ko 2:7
Em i save mekim stretpela pasin. Lo 32:4; Sg 37:28
Em i gat olgeta strong. Jop 37:23; Re 7:12; 4:11
D. Olgeta man i no lotuim seim God
Samting man i ting i gutpela, planti taim i no gutpela. Sd 16:25; Mt 7:21
Tupela rot, wanpela tasol i go long laip. Mt 7:13, 14; Lo 30:19
Planti god; wanpela tasol i God tru. 1Ko 8:5, 6; Sg 82:1
Bilong kisim laip, yu mas save long God tru. Jon 17:3; 1Jo 5:20
21. Jisas
A. Jisas em Pikinini bilong God na God i makim em King
Fesbon bilong God; God i yusim em long wokim olgeta arapela samting. Re 3:14; Kl 1:15-17
Meri i karim em na em i kamap man. Namba bilong em i no winim ol ensel. Ga 4:4; Hi 2:9
Spirit bilong God i makim em; em bai stap long heven. Mt 3:16, 17
Em i kisim bikpela namba moa winim bipo taim em i no kam daun yet long graun. Fl 2:9, 10
B. Man i mas bilip long Jisas Krais bai God i ken kisim em bek
Krais em i pikinini bilong Abraham, dispela Pikinini bilong promis. St 22:18; Ga 3:16
Jisas tasol i Hetpris; em pe bilong baim bek ol man. 1Jo 2:1, 2; Hi 7:25, 26; Mt 20:28
Bilong kisim laip, yu mas save long God na Krais na bihainim tok. Jon 17:3; Ap 4:12
C. Bilip tasol long Jisas em i no inap
Mas bilip na mekim wok. Jem 2:17-26; 1:22-25
Mas bihainim tok, na mekim wok em i bin mekim. Jon 14:12, 15; 1Jo 2:3
I no olgeta man i kolim nem bilong Bikpela bai go insait long Kingdom. Mt 7:21-23
22. Kambek Bilong Krais
A. Ol man i no inap lukim long ai
Jisas i tokim ol disaipel olsem ol manmeri bilong graun bai i no lukim em moa. Jon 14:19
Ol disaipel tasol i lukim em i go antap; em bai kambek long wankain pasin. Ap 1:6, 10, 11
Long heven em i wanpela spirit em ol man i no inap lukim. 1Ti 6:14-16; Hi 1:3
Em kambek wantaim strong bilong Kingdom bilong heven. Da 7:13, 14
B. Ol samting i kamap long graun i olsem mak i soim olsem em i kambek
Ol disaipel i askim long sain bilong em i kam i stap. Mt 24:3
Ol Kristen bai kliagut olsem Jisas i kam i stap; i olsem ol i lukim em. Ef 1:18
Planti samting i wok long kamap i soim olsem em i kam i stap. Lu 21:10, 11
Taim bagarap i painim ol birua, i olsem ol bai lukim em. Re 1:7
23. Kingdom
A. Wok em Kingdom bilong God bai mekim long ol man
Kamapim laik bilong God. Mt 6:9, 10; Sg 45:6; Re 4:11
Wanpela gavman i gat king na ol lo. Ai 9:6, 7; 2:3; Sg 72:1, 8
Pinisim pasin nogut, bosim graun olgeta. Da 2:44; Sg 72:8
Bosim graun 1,000 yia na bai ol man i kamap gutpela olgeta, na em bai kamapim bek Paradais. Re 21:2-4; 20:6
B. Kingdom i kirap mekim wok taim ol birua bilong Krais i wok yet i stap
Bihain long Krais i kirap bek em i mas wet longpela taim. Sg 110:1; Hi 10:12, 13
Krais i kisim wok king pinis na em i pait wantaim Satan. Sg 110:2; Re 12:7-9; Lu 10:18
Kingdom i kamap pinis, na bihain ol hevi i kamap long graun. Re 12:10, 12
Ol hevi bilong nau i makim olsem em taim bilong sanap long sait bilong Kingdom. Re 11:15-18
C. I no stap long bel bilong ol man; ol man i no as bilong en
Kingdom i stap long heven, i no long graun. 2Ti 4:18; 1Ko 15:50; Sg 11:4
I no stap long bel; Jisas i toktok wantaim ol Farisi. Lu 17:20, 21
Kingdom i no bilong dispela graun. Jon 18:36; Lu 4:5-8; Da 2:44
Bai pinisim ol gavman na pasin bilong dispela graun. Da 2:44
24. Kirap Bek
A. Gutpela samting i wetim ol man i dai pinis
Olgeta man i stap long matmat bai kirap bek. Jon 5:28, 29
Jisas i kirap bek, olsem na ol arapela tu bai kirap bek. 1Ko 15:20-22; Ap 17:31
Man i mekim sin long holi spirit em i no ken kirap bek. Mt 12:31, 32
Man i bilip bai kirap bek. Jon 11:25
B. Sampela i kirap bek i go long heven, sampela stap long graun
Long Adam ol i dai; long Jisas ol i kisim laip. 1Ko 15:20-22; Ro 5:19
Kirap bek bilong ol i narapela narapela kain. 1Ko 15:40, 42, 44
Ol man i stap wantaim Jisas bai wankain olsem em. 1Ko 15:49; Fl 3:20, 21
Ol man i no mekim wok king ol bai stap long graun. Re 20:4b, 5, 13; 21:3, 4
25. Kisim Bek Man
A. God i kisim bek man long rot bilong sakrifais bilong Jisas
Laip em presen God i givim long rot bilong Pikinini bilong Em. 1Jo 4:9, 14; Ro 6:23
God i kisim bek man long rot bilong sakrifais bilong Jisas tasol. Ap 4:12
Man i laik tanim bel taim em i laik i dai, i no gat rot long em i mekim sampela gutpela wok. Jem 2:14, 26
Man i mas wok strong bilong God i ken kisim bek em. Lu 13:23, 24; 1Ti 4:10
B. Dispela bilip olsem man em God i kisim em bek pinis em i no inap pundaun, dispela i no stret
Ol manmeri i kisim holi spirit ol inap pundaun. Hi 6:4, 6; 1Ko 9:27
God i kisim bek ol Israel long Isip, tasol bihain em i bagarapim planti bilong ol. Ju 5
God i no kisim bek man wantu. Fl 2:12; 3:12-14; Mt 10:22
Ol man i lusim bilip ol i stap nogut moa, winim bipo. 2Pi 2:20, 21
C. God bai kisim bek olgeta man, Baibel i no as bilong dispela bilip
Sampela i no inap tanim bel. Hi 6:4-6
God i no amamas taim man nogut i dai. Ese 33:11; 18:32
Man i gat pasin laikim i no ken orait long pasin i no stret. Hi 1:9
Ol man nogut bai bagarap. Hi 10:26-29; Re 20:7-15
26. Kongrigesen
A. Kongrigesen em samting bilong spirit, Krais i as bilong en
God i no save stap insait long ol tempel ol man i wokim. Ap 17:24, 25; 7:48
Kongrigesen tru em tempel spirit ol i wokim long ol ston i gat laip. 1Pi 2:5, 6
Krais em ston bilong kona; ol aposel, ol namba tu as ston. Ef 2:20
Lotuim God long spirit na pasin i tru. Jon 4:24
B. Pita i no as bilong kongrigesen
Jisas i no tok em i wokim kongrigesen antap long Pita. Mt 16:18
Jisas yet em dispela “bikpela ston.” 1Ko 10:4
Pita i tok Jisas em i as ston bilong kongrigesen. 1Pi 2:4, 6-8; Ap 4:8-12
27. Laip
A. Laip oltaim em prais God i givim long man i bihainim tok
God i no inap giaman; em i promis long givim laip. Ta 1:2; Jon 10:27, 28
Promis bilong laip oltaim i strongim ol man i bilip. Jon 11:25, 26
Dai bai pinis olgeta. 1Ko 15:26; Re 21:4; 20:14; Ai 25:8
B. Lain bilong Krais tasol i ken kisim laip long heven
Long laik bilong God yet em i makim husat bai go long heven. Mt 20:23; 1Ko 12:18
Em i kisim 144,000 tasol long graun. Re 14:1, 4; 7:2-4; 5:9, 10
Jon Bilong Baptais i no insait long Kingdom bilong heven. Mt 11:11
C. Planti manmeri tru bai kisim laip long graun, “ol arapela sipsip”
Liklik lain tasol bai stap long heven wantaim Jisas. Re 14:1, 4; 7:2-4
“Ol arapela sipsip” ol i no brata bilong Krais. Jon 10:16; Mt 25:32, 40
Bikpela lain i wok long bung nau, ol bai abrusim bagarap na stap long graun. Re 7:9, 15-17
Ol arapela bai kirap bek na stap long graun. Re 20:12; 21:4
28. Las De
A. Wanem mining bilong dispela tok “dispela graun i laik pinis”
Pinis bilong dispela taim. Mt 24:3; 2Pi 3:5-7; Mk 13:4
Graun i no inap pinis, pasin nogut bai pinis. 1Jo 2:17
Taim bilong pinis i kamap paslain long bagarap. Mt 24:14
Ol stretpela man bai abrusim bagarap; bihain nupela taim i kamap. 2Pi 2:9; Re 7:14-17
B. Yumi mas luksave long ol mak bilong las de
God i kamapim ol mak bilong stiaim yumi. 2Ti 3:1-5; 1Te 5:1-4
Ol man i no tingim olsem em i bikpela samting. 2Pi 3:3, 4, 7; Mt 24:39
God i no isi isi, tasol em i laik givim tok lukaut pastaim. 2Pi 3:9
Man i luksave na was i stap bai kisim prais. Lu 21:34-36
29. Lotu
A. I gat wanpela trupela lotu tasol
Wanpela pasin bilong bilip, wanpela baptais tasol. Ef 4:5, 13
I gat wok long kamapim ol disaipel. Mt 28:19; Ap 8:12; 14:21
Luksave olsem lotu i gutpela o nogat long wok bilong em. Mt 7:19, 20; Lu 6:43, 44; Jon 15:8
Pasin laikim na pasin wanbel i stap insait long lotu i tru. Jon 13:35; 1Ko 1:10; 1Jo 4:20
B. I stret yumi tokaut long ol bilip giaman
Jisas i bin tokaut long bilip giaman. Mt 23:15, 23, 24; 15:4-9
Em i mekim bilong helpim ol man i olsem ol i aipas. Mt 15:14
Tok i tru i mekim ol i kamap fri bai ol i ken kamap disaipel bilong Jisas. Jon 8:31, 32
C. Sapos lotu i giaman, yu mas senisim lotu bilong yu
Tok i tru i mekim yumi kamap fri; na i soim olsem planti i bihainim lotu giaman. Jon 8:31, 32
Ol Israel, na ol arapela i senisim lotu. Jos 24:15; 2Ki 5:17
Ol Kristen bilong bipo i bin senisim tingting bilong ol. Ga 1:13, 14; Ap 3:17, 19
Pol i senisim lotu bilong en. Ap 26:4-6
Satan i giamanim olgeta man; mas kisim nupela tingting. Re 12:9; Ro 12:2
D. Maski man i ting olgeta lotu i gutpela, dispela i no makim God i orait long ol
God i makim wanem kain lotu i stret. Jon 4:23, 24; Jem 1:27
Lotu i nogut sapos em i no bihainim laik bilong God. Ro 10:2, 3
God i no laikim sampela gutpela wok. Mt 7:21-23
Luksave long ol long kaikai ol i kamapim. Mt 7:20
30. Lotuim Maria
A. Maria em mama bilong Jisas, i no mama bilong God
God i no gat kirap bilong en. Sg 90:2; 1Ti 1:17
Maria i mama bilong Pikinini bilong God, taim Pikinini i stap hia long graun. Lu 1:35
B. Maria i no stap nupela meri long olgeta taim
Em i maritim Josep. Mt 1:19, 20, 24, 25
Em i karim ol arapela pikinini, i no Jisas tasol. Mt 13:55, 56; Lu 8:19-21
Ol i brata wanblut bilong em, i no brata spirit. Jon 7:3, 5
31. Lotuim Ol Tumbuna
A. Lotuim ol tumbuna i no inap helpim yu
Ol i dai pinis; ol i no gat save o tingting. Sa 9:5, 10
I no stret yumi lotuim ol. Ro 5:12, 14; 1Ti 2:14
God i tambuim kain lotu olsem. Ki 34:14; Mt 4:10
B. Yumi ken onarim ol man, tasol yumi mas lotuim God wanpela tasol
Ol yangpela i mas rispektim ol man i gat bikpela krismas. 1Ti 5:1, 2, 17; Ef 6:1-3
Lotuim God wanpela tasol. Ap 10:25, 26; Re 22:8, 9
32. Marit
A. Tupela marit mas i stap gut long lo bilong marit
Kain olsem Krais na meri bilong en. Ef 5:22, 23
Marit i mas i stap klin. Hi 13:4
Narapela i no ken lusim narapela. 1Ko 7:10-16
Pasin pamuk (por·neiʹa) tasol i as bilong katim marit. Mt 19:9
B. Ol Kristen i mas rispek long wok bos insait long famili
Man marit em i het. Em i mas laikim na lukautim famili. Ef 5:23-31
Meri marit i mas daun, laikim, na bihainim tok bilong man bilong en. 1Pi 3:1-7; Ef 5:22
Ol pikinini i mas bihainim tok bilong papamama. Ef 6:1-3; Kl 3:20
C. Wok ol papamama Kristen i mas mekim long ol pikinini
Mas laikim, tingim, na lusim bikpela haptaim long stap wantaim ol. Ta 2:4
No ken sikirapim bel bilong ol. Kl 3:21
Lukautim ol long ol samting bilong skin na spirit. 2Ko 12:14; 1Ti 5:8
Mas lainim na skulim ol. Ef 6:4; Sd 22:6, 15; 23:13, 14
D. Kristen i mas maritim Kristen tasol
Mas maritim tasol man o meri i “bihainim Bikpela.” 1Ko 7:39; Lo 7:3, 4; Ne 13:26
E. Maritim planti meri—Baibel i tok em i no stret
Pastaim tru God i tok man i ken maritim wanpela meri tasol. St 2:18, 22-25
Jisas i kamapim gen dispela lo long ol Kristen. Mt 19:3-9
Ol Kristen bilong pastaim i gat wanpela meri tasol. 1Ko 7:2, 12-16; Ef 5:28-31
33. Memorial, Misa
A. Tingim Kaikai Bilong Bikpela
Mekim wanpela taim long yia long de bilong Pasova. Lu 22:1, 17-20; Ki 12:14
Em bilong tingim dai bilong Krais olsem sakrifais. 1Ko 11:26; Mt 26:28
Lain bilong i go long heven tasol i kisim bret na wain. Lu 22:29, 30; 12:32, 37
Hau man i save olsem em i bilong lain bilong heven. Ro 8:15-17
B. Misa, em i no stret wantaim tok bilong Baibel
Bilong lusim sin, blut i mas kapsait. Hi 9:22
Krais tasol i Namelman bilong nupela kontrak. 1Ti 2:5, 6; Jon 14:6
Krais i stap long heven; pris i no bringim em i kam daun long graun. Ap 3:20, 21
No gat wok long mekim gen sakrifais bilong Krais. Hi 9:24-26; 10:11-14
34. Ol Samting Bai Painim Yumi (Pridestinesen)
A. God i no makim ol samting bai painim yumi
Samting God i tingting pinis long mekim, bai kamap. Ai 55:11; St 1:28
Wan wan man yet i ken makim olsem em bai lotuim God o nogat. Jon 3:16; Fl 2:12
35. Ol Samting God i Bin Wokim
A. Sampela wok painimaut bilong saiens i wanbel olsem God i wokim olgeta samting; ol samting i no kamap long rot bilong evolusen
Baibel i kolim wanem samting i kamap pastaim na wanem samting i kamap bihain na saiens i wanbel long dispela. St 1:11, 12, 21, 24, 25
Lo bilong God olsem olgeta samting i save kamapim ol pikinini i kain olsem ol yet, dispela lo i tru. St 1:11, 12, NW; Jem 3:12
B. Ol de God i wokim ol samting ol i no 24 aua
“De” inap makim wanpela haptaim. St 2:4, NW
Long ai bilong God wanpela de inap makim bikpela haptaim. Sg 90:4; 2Pi 3:8
36. Ol Witnes Bilong Jehova
A. Ol Witnes Bilong Jehova i kamap olsem wanem
Jehova yet i makim ol witnes bilong em. Ai 43:10-12; Jer 15:16, NW
Abel em i namba 1 witnes hia long graun. Hi 11:4, 39; 12:1
Jisas em i holimpas wok bilong autim tok na mekim tok tru tasol. Jon 18:37; Re 1:5; 3:14
37. Oraitim Ol Sik, Mekim Kain Kain Tokples
A. Oraitim man long sait bilong lotu, dispela i helpim em long olgeta taim
Man i sik long sait bilong lotu, dispela inap bagarapim em. Ai 1:4-6; 6:10; Ho 4:6
Namba wan wok em long oraitim man long sait bilong lotu. Jon 6:63; Lu 4:18
Tekewe sin; kamapim amamas na givim laip. Jem 5:19, 20; Re 7:14-17
B. Kingdom Bilong God bai pinisim olgeta sik samting
Jisas i bin oraitim ol sik na autim tok long ol blesing bilong Kingdom. Mt 4:23
Kingdom bai pinisim tru olgeta sik. Mt 6:10; Ai 9:7
Ol man i no ken i dai moa. 1Ko 15:25, 26; Re 21:4; 20:14
C. Ol man i tok ol i oraitim sik long rot bilong bilip, God i no orait long ol
Ol disaipel i no bin oraitim sik bilong ol yet. 2Ko 12:7-9; 1Ti 5:23
Pasin bilong wokim ol mirakel i pinis taim ol aposel i dai pinis. 1Ko 13:8-11
Maski man i oraitim sik dispela i no makim olsem God i orait long em. Mt 7:22, 23; 2Te 2:9-11
D. Strong bilong mekim kain kain tokples em bilong sotpela taim tasol
Em mak tasol; yumi mas tingim ol samting i bikpela moa. 1Ko 14:22; 12:30, 31
Strong holi spirit i givim bilong wokim mirakel i mas pinis. 1Ko 13:8-10
Man i wokim mirakel dispela i no makim olsem God i orait long em. Mt 7:22, 23; 24:24
38. Pasin Nogut, Hevi Bilong Graun
A. Husat i as bilong ol hevi bilong graun
Wok bos nogut i as bilong ol hevi long nau. Sd 29:2; 28:28
Bosman bilong dispela graun em i birua bilong God. 2Ko 4:4; 1Jo 5:19; Jon 12:31
Satan i kamapim ol hevi, tasol em i gat sotpela taim. Re 12:9, 12
Satan bai kalabus, gutaim bai kamap. Re 20:1-3; 21:3, 4
B. As na God i larim pasin nogut i stap
Satan i sutim tok long ol man na ol ensel na tok ol i no inap stap gut long God. Jop 1:11, 12
God i givim rot long ol gutpela man long kamapim ples klia olsem ol bai stap gut long em. Ro 9:17; Sd 27:11
Dispela i stretim tok na ol man i ken save, Satan em man bilong giaman. Jon 12:31
Ol man i stap gut long God bai kisim laip oltaim. Ro 2:6, 7; Re 21:3-5
C. God i no pinisim kwik ol samting; em i marimari long ol man
Olsem long taim bilong Noa, mas i gat bikpela haptaim liklik bilong toksave long ol man. Mt 24:14, 37-39
God i no isi isi tumas, em i marimari. 2Pi 3:9; Ai 30:18
Baibel i helpim yumi long was i stap. Lu 21:36; 1Te 5:4
Painim Jehova nau na bai em i lukautim yu. Ai 2:2-4; Sef 2:3
D. Ol man i no inap stretim ol hevi bilong graun
Ol man i pret na tingting planti. Lu 21:10, 11; 2Ti 3:1-5
Ol man i no inap stretim, Kingdom bilong God bai stretim. Da 2:44; Mt 6:10
Wok nau long stap wanbel wantaim King na bai yu inap kisim laip. Sg 2:9, 11, 12
39. Pe Bilong Baim Bek Man
A. Jisas i givim laip bilong em yet olsem pe bilong baim bek olgeta man
Jisas i givim laip bilong em yet olsem pe bilong baim bek ol man. Mt 20:28
Blut i kapsait i save tekewe sin. Hi 9:14, 22
Wanpela sakrifais em inap long olgeta taim. Ro 6:10; Hi 9:26
Man i no kisim nating helpim; mas bilip pastaim. Jon 3:16
B. Pe i stret wantaim samting i lus
God i wokim Adam i gutpela olgeta. Lo 32:4; Sa 7:29; St 1:31
Adam i mekim sin na lusim gutpela laip bilong em yet na bilong ol pikinini bilong en. Ro 5:12, 18
Ol pikinini i no inap helpim ol yet; nidim man i wankain stret olsem Adam. Sg 49:7; Lo 19:21
Gutpela laip bilong Jisas em pe bilong baim bek ol man. 1Ti 2:5, 6; 1Pi 1:18, 19
40. Sabat
A. Ol Kristen i no aninit long lo bilong Sabat
Indai bilong Jisas i pinisim Lo. Ef 2:15
Ol Kristen i no gat wok long bihainim lo bilong Sabat. Kl 2:16, 17; Ro 14:5, 10
Pol i krosim ol man i tingim yet Sabat. Ga 4:9-11; Ro 10:2-4
Go insait long malolo bilong God long rot bilong bilip na pasin bilong bihainim tok. Hi 4:9-11
B. Lo bilong sabat em bilong ol Israel bilong bipo tasol
Taim ol i lusim Isip ol i kirap tingim Sabat. Ki 16:26, 27, 29, 30
Em i stap olsem wanpela mak long lain Israel tasol. Ki 31:16, 17; Sg 147:19, 20
Lo i makim ol yia Sabat tu. Ki 23:10, 11; Wk 25:3, 4
Ol Kristen i no gat wok long mekim Sabat. Ro 14:5, 10; Ga 4:9-11
C. Sabat o De Malolo bilong God (Namba 7 de insait long ol de God i bin wokim olgeta samting)
Dispela de i kirap taim God i wokim pinis olgeta samting long graun. St 2:2, 3; Hi 4:3-5
Jisas i lusim graun pinis, na dispela de i go yet. Hi 4:6-8; Sg 95:7-9, 11
Ol Kristen i malolo long mekim wok bilong helpim ol yet. Hi 4:9, 10
Dispela de i pinis taim Kingdom i inapim pinis wok bilong en hia long graun. 1Ko 15:24, 28
41. Satan na Ol Spirit Nogut
A. Satan em i wanpela spirit
Em i no pasin nogut i stap insait long ol man, em i wanpela spirit. 2Ti 2:26
Satan em i wanpela spirit wankain olsem ol ensel. Mt 4:1, 11; Jop 1:6
Laik nogut bilong em yet i mekim na em i kamap man nogut. Jem 1:13-15
B. Satan i bosman bilong dispela graun, ol man i no inap lukim em
Satan em i god bilong dispela graun. 2Ko 4:4; 1Jo 5:19; Re 12:9
God i larim em i stap pastaim bilong stretim tok. Ki 9:16; Jon 12:31
Bai kalabus; bihain pinis olgeta. Re 20:2, 3, 10
C. Ol spirit nogut em ol bikhet ensel
Ol i bin go long sait bilong Satan paslain long Bikpela Tait. St 6:1, 2; 1Pi 3:19, 20
Ol i raus long lain bilong God, stap long tudak. 2Pi 2:4; Ju 6
Pait long God, mekim nogut long ol man. Lu 8:27-29; Re 16:13, 14
Ol bai bagarap olgeta wantaim Satan. Mt 25:41; Lu 8:31; Re 20:2, 3, 10
42. Sin
A. Sin i wanem samting
Sin em pasin bilong brukim gutpela lo bilong God. 1Jo 3:4; 5:17
God i wokim man, olsem na man i mas harim tok bilong em. Ro 14:12; 2:12-15
Lo i kamapim sin, na man inap save sin em wanem samting. Ga 3:19; Ro 3:20
Olgeta man i bin mekim sin, ol i no inap bihainim gutpela lo bilong God. Ro 3:23; Sg 51:5
B. As na olgeta man i kisim hevi long sin bilong Adam
Adam i mekim na olgeta manmeri i kisim sin na dai. Ro 5:12, 18
God i marimari long ol man. Sg 103:8, 10, 14, 17
Sakrifais bilong Jisas i tekewe ol sin. 1Jo 2:2
Sin na ol samting Satan i kamapim bai pinis. 1Jo 3:8
C. Prut bilong diwai tambu i makim pasin bilong sakim tok, i no maritpasin
Paslain long God i wokim Iv, em i putim tambu long diwai. St 2:17, 18
God i tokim Adam na Iv long kamapim ol pikinini. St 1:28
Ol pikinini ol i blesing i kam long God, ol i no kamap long rot bilong sin. Sg 127:3-5
Adam i no stap na Iv i mekim sin. Em i no daun long man bilong en. St 3:6; 1Ti 2:11-14
Adam em i het bilong famili, em i sakim lo bilong God. Ro 5:12, 19
D. Mekim sin long holi spirit (Mt 12:32; Mk 3:28, 29)
Em i no wankain long sin yumi kisim long Adam. Ro 5:8, 12, 18; 1Jo 5:17
Man inap mekim holi spirit i bel hevi, tasol God inap orait gen long em. Ef 4:30; Jem 5:19, 20
Sapos long laik bilong man yet em i wokabaut long pasin bilong mekim sin, em bai dai. 1Jo 3:6-9
God i save kotim dispela kain man, na tekewe holi spirit long em. Hi 6:4-8
Yumi no ken beten long God long kain man olsem husat i no tanim bel. 1Jo 5:16, 17
43. Spirit, Laip (Soul)
A. Yumi ol man i no gat wanpela samting i stap insait long bodi em yumi no inap lukim na i no save dai
God i givim laip [Hibru, neʹphesh; Grik, psy·kheʹ] long ol man na ol animal. St 2:7; 1Ko 15:45; Re 16:3
B. Spirit i wanem samting
Em strong bilong laip i stap long bodi bilong man na animal. Jem 2:26
Ol man na ol animal i gat wankain spirit olsem strong bilong laip. Sa 3:19-21
C. Wanem samting i kamap long spirit taim man i dai
Taim man i dai em i go bek long graun na spirit, o strong bilong laip, i go bek long God. St 3:19; Sg 146:4; Jop 34:14, 15
God tasol inap givim spirit em strong bilong laip long ol man. Ese 37:12-14
44. Wokman
A. Olgeta Kristen i mas i stap wokman
Jisas em i wokman bilong God. Ro 15:8, 9; Mt 20:28
Olgeta Kristen i bihainim eksampel bilong em. 1Pi 2:21; 1Ko 11:1
Yumi mas autim tok bilong inapim wok bilong yumi. 2Ti 4:2, 5; 1Ko 9:16
B. Ol mak bilong winim bilong mekim wok
Mas i gat spirit bilong God na mas i gat save long Tok bilong Em. 2Ti 2:15; Ai 61:1-3
Bihainim pasin bilong Krais long autim tok. 1Pi 2:21; 2Ti 4:2, 5
God i givim trening long rot bilong holi spirit, oganaisesen. Jon 14:26; 2Ko 3:1-3