ASKIM 5
Baibel i kamapim wanem bikpela tok?
“Bai mi mekim yu i stap birua bilong meri, na meri i stap birua bilong yu. Na bai mi mekim pikinini bilong yu i birua long pikinini bilong meri. Em bai krungutim het bilong yu, na yu bai kaikaim lek bilong em.”
Stat 3:15, NW
“Long rot bilong pikinini bilong yu, olgeta lain bilong graun bai kisim blesing, long wanem, yu bin bihainim tok bilong mi.”
Stat 22:18, NW
“Kingdom bilong yu i mas i kam. Laik bilong yu i mas kamap long graun olsem em i save kamap long heven.”
“Klostu nau God husat i save givim bel isi, em bai krungutim Satan aninit long lek bilong yupela.”
“Taim olgeta samting i stap aninit pinis long Pikinini, orait Pikinini bai putim em yet aninit long God, em Man husat i putim olgeta samting i stap aninit long Pikinini, na bai God i ken i stap het bilong olgeta samting.”
“Abraham wantaim pikinini bilong en [Krais] i kisim ol tok promis. . . . Sapos yupela i bilong Krais, orait yupela i pikinini bilong Abraham.”
“Wok bilong bosim ol manmeri long graun i kamap wok bilong Bikpela bilong yumi wantaim Krais bilong en. Na Bikpela bai mekim wok king inap oltaim oltaim.”
“Ol i tromoi dispela traipela snek i go daun, em dispela snek bilong bipo yet, ol i kolim em Devil na Satan. Em man i save giamanim olgeta manmeri bilong graun. Ol i tromoi em i go daun long graun, na ol i tromoi ol ensel bilong en i go daun wantaim em.”
“Em i holimpas dispela traipela snek, em dispela snek bilong bipo yet, em ol i kolim em Devil na Satan. Na ensel i pasim em long sen na em bai stap olsem inap 1,000 yia.”