ASKIM 6
Baibel i mekim wanem ol tok profet long Mesaia?
TOK PROFET
“Yu, Betlehem Efrata, . . . wanpela man bilong yu bai i kamap hetman long Israel.”
Maika 5:2, NW
TRUIM
“Mama i karim Jisas long Betlehem bilong Judia long taim Herot i stap king. Em i karim Jisas pinis, na bihain sampela glasman bilong ol sta i lusim hap bilong Is na kam long Jerusalem.”
TOK PROFET
“Ol i tilim klos bilong mi na ol i kisim, na ol i pilai satu bilong makim wanem man i ken kisim saket bilong mi.”
TRUIM
“Ol soldia i nilim Jisas pinis long pos, na ol i kisim saket bilong en na brukim long 4-pela hap . . . Tasol siot bilong en i no gat ol join, ol i bin lumim long antap i go daun. Olsem na ol i toktok namel long ol yet olsem: ‘Yumi no ken brukim dispela siot, yumi mas pilai satu bilong makim husat bai kisim.’”
TOK PROFET
“Bikpela i save lukautim em olgeta, na i no gat wanpela bun bilong en i bruk.”
TRUIM
“Taim ol i kamap long Jisas, ol i lukim olsem em i dai pinis, olsem na ol i no brukim lek bilong em.”
TOK PROFET
“Long asua bilong sin bilong yumi tasol, ol i bin sutim em.”
Aisaia 53:5, NW
TRUIM
“Wanpela soldia i sutim sait bilong em long spia, na wantu blut na wara i kapsait.”
TOK PROFET
“Ol i givim mi 30 mani silva.”
TRUIM
“Orait wanpela bilong ol 12-pela aposel, em ol i kolim Judas Iskariot, em i go long ol bikpris na i tok: ‘Yupela bai givim wanem samting long mi sapos mi putim Em long han bilong yupela?’ Na ol i tok long givim em 30 silva koin.”