Singsing 97
Kirap, Yupela Wokman Bilong Kingdom!
1. Kirap autim tok bilong Kingdom
Long olgeta lain blong graun.
Long bel yumi laikim tru ol man,
Helpim ol long sanap strong.
Yumi kisim gutpela wok tru;
Yumi amamas long mekim.
Go aut na wok yet long autim tok;
Autim nem holi bilong God.
(Singsing Gen)
2. Ol lain blong autim tok i wok strong
Bilong kisim laip oltaim.
Yumi bihainim lek blong Jisas,
Na kisim nupela strong.
Gutnius bilong Kingdom Bilong God
Em samting ol man mas harim.
Jehova givim strong long yumi
Na yumi no pret long ol man!
(Singsing Gen)
3. Lain remnan na bikpela lain man,
Yumi mas wok gut wantaim.
Lapun, yangpela, man na meri,
Mas stap strong long tok i tru.
Wok bilong yumi em i holi;
Yumi no ken mekim nating.
Mekim pasin i klin na holi
Na God bai orait long yumi.
(SINGSING GEN)
Kirap, tokaut strong long
Kingdom long olgeta hap blong graun.
Kirap, stap gut long Jehova
Na mekim wok bilong em.
(Lukim tu Sng. 23:4; Apo. 4:29, 31; 1 Pita 2:21.)