‘Walk by Faith, Not by Sight’

Paslain liklik long ol birua i banisim na bagarapim Jerusalem, aposel Pol i tok ol Kristen i stap olsem ol gutpela soldia bilong Krais, olsem na ol i mas redi long karim pen na hevi, na no ken tingting tasol long kisim amamas na inapim ol laik bilong ol yet. (2 Tim. 2:3, 4) Klostu nau bagarap bai painim ol manmeri nogut bilong dispela graun, olsem na yumi mas i gat strongpela bilip bambai yumi inap putim tingting i go long wok bilong God. (2 Kor. 4:18; 5:7) Lukim vidio ‘Walk by Faith, Not by Sight.’ (Go long jw.org na lukim het tok PUBLICATIONS > VIDEOS.) Skelim tingting bilong Naham na Abital. Tupela i tingim tumas mani kago, olsem na bagarap i painim ol. Skelim ol dispela askim.

(1) Long taim bilong ol aposel, wanem “dispela stingpela samting . . . i sanap long ples i holi”? Ol Kristen i stap long Jerusalem i mas mekim wanem? (Mat. 24:15, 16) (2) Bilong wanem ol Kristen i mas i gat bilip bambai ol inap ranawe lusim taun? (3) Ol i lusim wanem ol samting taim ol i ranawe? (4) Bilong wanem Naham na Abital i no ranawe kwik? (Mat. 24:17, 18) (5) Wanem narapela samting i traim bilip bilong Resel taim em i lusim Jerusalem? (Mat. 10:34-37; Mak 10:29, 30) (6) Olsem wanem Etan i stap gutpela eksampel long pasin bilong bilip na trastim Jehova? (7) Ol Kristen long taun Pela i bungim wanem ol hevi? (8) Wanem ol samting i mekim na isi isi bilip bilong Naham na Abital i kamap slek? (9) Olsem wanem Jehova i lukautim ol Kristen long taun Pela? (Mat. 6:33; 1 Tim. 6:6-8) (10) Yumi stap klostu tru long pinis bilong dispela haptaim bilong nau, olsem na hau bai yumi bihainim gutpela pasin bilong Abraham na Sara? (Hib. 11:8-10) (11) Wanem samting i kirapim tingting bilong Naham na Abital long i go bek long Jerusalem? Bilong wanem tingting bilong ol i no stret? (Luk 21:21) (12) Taim Naham na Abital i go bek long Jerusalem, ol i lukim wanem ol samting? (13) Bilong wanem yumi mas strongim bilip bilong yumi long nau paslain long bagarap i painim dispela haptaim nogut?—Luk 17:31, 32; 21:34-36.

Taim yumi bilip na wokabaut, dispela i makim olsem (1) yumi trastim ol tok Jehova i givim, (2) yumi larim ol tok bilong em i stiaim yumi, na (3) yumi soim olsem yumi putim Kingdom i stap namba 1 samting long laip bilong yumi, na i no mani kago. Yumi mas mekim strongpela disisen long bihainim pasin bilong bilip na wokabaut. Yumi mas bilip tru olsem “ol manmeri i stap longwe long God, ol bai pinis na laik bilong ol tu bai pinis, tasol man i bihainim laik bilong God em bai stap oltaim oltaim.”—1 Jon 2:17.