“Mi Stap! Salim Mi”

Yumi ken bihainim pasin bilong Aisaia long givim bel tru long mekim wok. Em i soim olsem em i gat bilip na em i kirap kwik long mekim wok, maski em i no save gut long olgeta samting. (Ai 6:8) Olsem wanem? Yu inap mekim sampela senis long sindaun bilong yu bambai yu inap helpim wok long hap we i sot tru long ol pablisa bilong autim tok bilong Kingdom? (Sg 110:3) I gutpela long “skelim gut pe” paslain long yu mekim disisen. (Lu 14:27, 28) Yu mas redi long daunim laik bilong yu yet bilong mekim wok autim tok. (Mt 8:20; Mk 10:28-30) Long vidio Moving to Serve Where the Need Is Greater, blesing yumi kisim long mekim wok bilong Jehova i winim tru ol narapela wok yumi mekim.

BIHAIN LONG YUPELA I LUKIM VIDIO, BEKIM OL DISPELA ASKIM:

• Famili bilong William i daunim wanem ol laik bilong ol yet bambai ol inap mekim bikpela wok moa long Ekwado?

• Ol i skelim gut wanem ol samting taim ol i laik makim ples em ol i laik mekim wok long en?

• Ol i kisim wanem ol blesing?

• Yu inap painim we ol infomesen bilong helpim wok long ol hap i sot long ol pablisa?

LONG TAIM BILONG FAMILI LOTU BILONG YUPELA, SKELIM OL DISPELA ASKIM:

• Olsem wanem yumi inap mekim bikpela wok moa bilong autim tok olsem wanpela famili? (km 8/11 4-6)

• Sapos yumi no inap mekim bikpela wok moa bilong autim tok, wanem ol narapela rot em yumi inap helpim kongrigesen bilong yumi? (w16.03 23-25)