Singsing 64

Yu Mas Pilim Tok i Tru

(Sindaun 3:​1, 2)

1. Rot bilong tok tru, em tasol nambawan rot.

Tasol em rot yu yet mas makim.

So bihainim tok em Jehova i givim;

Bilip olsem tok blong em tru.

(Singsing Gen)

2. Ol wok yu mekim, na tu hap taim yu lusim

Long mekim wok blong God na Kingdom,

Bai karim kaikai, kamapim planti blesing,

Na laip i stap oltaim bihain.

(Singsing Gen)

3. Yumi liklik tru, God em i winim yumi,

Na tok blong em mas stiaim yumi.

Oltaim wokabaut wantaim Papa long heven;

Kisim gutpela blesing tru.

(SINGSING GEN)

Pilim tok i tru.

Pilim tru long bel blong yu.

Kisim amamas

Jehova givim

Taim yu pilim tok i tru.

(Lukim tu Sng. 26:3; Snd. 8:35; 15:31; Jon 8:​31, 32.)