Mekim Long Pasin i Olsem Yu Pilim Tru Long Bel

1 Tesalonaika 2:7, 8

OL BIKPELA TOK: Mekim toktok long pasin i kamapim olsem yu pilim long bel, na soim ol man i harim tok bilong yu olsem yu laikim ol na yu laik helpim ol.

ROT BILONG MEKIM:

• Tingim ol man i harim tok bilong yu. Redim bel bilong yu long rot bilong tingim ol hevi ol i karim. Traim long pilim tingting na filings bilong ol.

• Skelim gut ol tok yu bai kamapim. Toktok long pasin i givim nupela strong na i mekim gut bel bilong ol man i harim tok bilong yu. No ken mekim ol tok we inap bagarapim bel bilong ol, nano ken mekim tok i daunim ol man i no bilip long Jehova o mekim tok i daunim ol samting em ol i bilip long en.

• Soim olsem yu tingim ol. Bilong soim olsem yu tingim ol man i harim tok bilong yu, krai bilong nek bilong yu i mas soim pasin isi na wokim han long taim i stret. Tingim pasin bilong yu long wokim pes; yu mas smail taim yu toktok.