BIHAINIM PASIN KRISTEN
Strongim Bilip Bilong Yu Long Tok Bilong God
Tok bilong God inap senisim laip bilong yumi. (Hi 4:12) Tasol sapos yumi laik bai ol stiatok na skultok bilong en i helpim yumi, yumi mas bilip olsem dispela em “tok bilong God.” (1Te 2:13) Hau bai yumi inap strongim bilip bilong yumi long tok bilong Baibel?
Ritim sampela hap bilong Baibel long olgeta de. Taim yu ritim, luksave long ol samting i soim olsem Jehova em Man i kamapim ol tok i stap long Baibel. Olsem, skelim edvais i stap long buk Provep na luksave long savetingting bilong en we i helpim yumi long nau tu.—Pr 13:20; 14:30.
Kirapim wanpela stadi projek. Save gut long ol evidens i soim olsem God i kamapim ol tok i stap long Baibel. Long Stadi Indeks Bilong Ol Witnes Bilong Jehova, go long het tok “Baibel” na bihain lukim “Spirit Bilong God i Kamapim.” Na tu, yu ken skelim Apendiks A3 bilong Nupela Taim Trenslesen bilong strongim bilip bilong yu olsem tok bilong Baibel i no senis.
WATSIM VIDIO AS NA YUMI BILIP LONG . . . TOK BILONG GOD, NA BIHAIN BEKIM OL DISPELA ASKIM:
Olsem wanem wol bilong tempel em ol i painim long Karnak, long Isip, i soim olsem Tok Bilong God em tru?
Hau na yumi save olsem tok bilong Baibel i no senis?
Baibel i bin stap bipo yet na i kam inap long nau, olsem na hau dispela i soim olsem em i Tok Bilong God?—Ritim Aisaia 40:8.