Kibung Distrik Bilong Ol Witnes Bilong Jehova

AS TOK BILONG FRAIDE

‘Bikpela i Save Lukim Tingting na Laik Bilong Man’—1 SAMUEL 16:7.

AS TOK BILONG SARERE

“Maus i Save Autim Ol Tingting i Pulap Long Bel”—MATYU 12:34.

AS TOK BILONG SANDE

“Yu Mas Wok Strong Tru Long Bihainim Laik Bilong [God]”—1 STORI 28:9.

Baibel i stori long bel inap olsem 1,000 taim. Planti taim Baibel i no toktok long bel tru bilong man, nogat. Taim Baibel i kolim dispela tok bel, dispela i makim tingting na laik bilong man na samting em i pilim long bel.

Bilong wanem yumi mas lukautim gut tingting bilong bel? God i kirapim King Solomon long tok olsem: “Gutpela tingting bilong stiaim laip bilong yu, em i save kamap long tingting [bilong bel] bilong yu . . . Olsem na olgeta taim yu mas was gut tru long tingting bilong yu.” (Sindaun 4:23) Yumi inap kisim gutpela sindaun long nau na wetim gutpela samting bai kamap bihain, sapos yumi lukautim gut tingting bilong bel bilong yumi. Bilong wanem? Long wanem, God i save lukim samting i stap long bel bilong yumi. (1 Samuel 16:7) Pasin i stap “insait” long bel bilong yumi bai makim wanem tingting God i gat long yumi.—1 Pita 3:4.

Olsem wanem yumi inap lukautim gut tingting i stap long bel bilong yumi? Ol bai bekim dispela askim long ol kibung em ol Witnes Bilong Jehova bai mekim long olgeta hap bilong graun kirap long dispela mun. Mipela i amamas long singautim yu long kam long olgeta 3-pela de bilong dispela kibung.a Skul yu kisim long dispela kibung bai helpim yu long mekim ol samting em God Jehova bai amamas long en.—Sindaun 27:11.

Long nau i gat planti hevi, tasol yu inap i stap amamas sapos long rot biling Baibel yu kisim stretpela save long God na long Kingdom bilong em na long ol gutpela samting em i laik mekim bilong helpim ol man. Sapos yu laik kisim sampela save moa, o yu laik bai wanpela i kam lukim yu long haus na lainim yu long ol tok bilong Baibel, no gat pe, yu ken kontektim ol Witnes Bilong Jehova long www.watchtower.org.