Buk Bilong God —Gutpela Samting Tru

1. Wanpela buk em i gutpela tumas,

Em mekim ol lain man i amamas.

Em givim laip long ol man i “dai pinis,”

Na em i opim ai blong ol “aipas.”

Em Baibel Holi bilong God Jehova.

God i givim tingting long sampla man,

Na ol i raitim tok i stret olgeta.

Holi spirit blong God i strongim ol.

2. Ol i raitim tok long wok blong Jehova,

Long strong blong em ol samting i kamap.

God wokim man i gutpela olgeta,

Tasol bihain em lusim Paradais.

Na ol i tok tu long wanpela ensel

I sutim tok long wok king bilong God.

Em as bilong ol hevi painim yumi,

Tasol klostu nau Jehova bai win.

3. Nau em i taim bilong amamas long nau:

Jehova mekim wok long King blong em.

So autim tok long gutnius bilong Kingdom

Na kisim planti blesing bilong en.

Dispela tok i stap long buk bilong God;

Buk i pulap long planti tok i tru

Na givim yumi gutpela bel isi.

Yumi mas ritim ol tok bilong en.