“Wanpela Buk i Gat Planti Gutpela Skultok”
● Tupela marit long New Hampshire, Amerika, i raitim pas na i tok: “Mipela i laik tok tenkyu tru long planti stori yupela i save raitim long mipela husat i wok long mekim bikpela long ol pikinini. Pikinini meri bilong mipela i gat 4-pela krismas, nem bilong em Sophia, na mipela i ting mipela i wok long kisim ol gutpela tok i helpim mipela long putim tok i tru long bel na tingting bilong em long dispela taim we em i wok long lainim ol samting.”
Pas i go moa: “Buk Kisim Skul Long Bikpela Tisa i wanpela buk i gat planti gutpela skultok long pikinini meri bilong mipela, na long mipela tu. Ol piksa long laspela sapta i nambawan gutpela piksa bilong Paradais, winim ol narapela piksa mipela i bin lukim! Liklik pikinini meri bilong mipela i save lukim ol dispela piksa planti taim, na dispela i helpim em long kisim save long ol tok promis bilong Baibel.”
Laspela sapta bilong buk Kisim Skul Long Bikpela Tisa, nem bilong en “Nupela Taim God Bai Kamapim i Gat Bel Isi—Yu Inap i Stap Long En,” i gat ol naispela piksa i kamapim gut ol tok promis bilong God i stap long Tok bilong em, long Baibel.
Yu inap kisim wanpela bilong dispela buk i gat 256 pes long en, na ol pes bilong en i wankain olsem dispela nius. Bilong kisim dispela buk, yu ken raitim nem bilong yu long hap hia na salim long atres i stap long dispela hap o i stap long pes 5 bilong dispela nius.
□ Salim wanpela buk Kisim Skul Long Bikpela Tisa long mi.
□ Plis kam lukim mi, mi laik stadi long Baibel, no gat pe.
[Piksa long pes 32]
Piksa i stap long pes 254 bilong buk