Visitim Nu Silan

INAP olsem 800 yia i go pinis, ol lain Maori i raun inap planti tausen kilomita long solwara na ol i go kamap long Nu Silan. Em i olsem bikpela ples daun we i luk narapela kain tru long ol liklik ailan bilong Polinesia we ol i bin lusim. Dispela ples i gat planti sno, maunten, ol traipela hap ais i trip long solwara, na hot wara i sut i kamaut long graun. Inap 500 yia bihain, ol lain bilong narapela skin kala i kam kamap—ol i kam longwe tru long Yurop. Long nau, planti manmeri bilong Nu Silan i bihainim kalsa bilong lain Polinesia na lain Yurop bilong bipo. Inap 90 pesen bilong ol manmeri i stap long ol biktaun. Long olgeta narapela biktaun long hap saut bilong graun, biktaun Wellington i stap klostu moa long Saut Pol.

I gat kain kain samting i mekim ples i luk nais tru, olsem na maski dispela ples i stap longwe tru, inap olsem 3 milion turis i save go long Nu Silan long olgeta yia.

Nu Silan i gat kain kain animal, na planti moa bilong ol pisin i save wokabaut tasol long graun. Em ples bilong tuatara, em wanpela kain palai we inap stap laip inap olsem 100 yia! Na tu, i gat sampela kain blak bokis na sampela traipela animal bilong solwara, na ol weil na ol dolfin.

Ol Witnes Bilong Jehova i mekim wok lotu bilong ol long Nu Silan inap olsem 120 yia. Ol i yusim 19 tokples long skulim ol manmeri long Baibel—sampela em tokples bilong ol ailan bilong Polinesia, olsem tokples bilong Niue, Rarotonga, Samoa, na Tonga.