Pasin Marimari
Wanem ol pasin i insait long pasin marimari?
Ol eksampel long Baibel:
Sg 51:1, 2—Taim King Devit i askim Jehova long marimari long em, em i askim Jehova long fogivim em na mekim em i kamap klin long ol sin bilong em
Lu 10:29-37—Jisas i skulim yumi long mekim pasin marimari taim em i stori long man Samaria i mekim gutpela pasin na tingim tru wanpela man Juda
Wai na olgeta man i mas i gat wanpela i mekim pasin marimari long ol?
Lukim tu 1Ki 8:46-50
Olsem wanem Jehova i stap gutpela piksa long mekim pasin marimari?
Ki 34:6; Ne 9:17; Sg 103:8; 2Ko 1:3
Ol eksampel long Baibel:
Jop 42:1, 2, 6-10; Jem 5:11—Jehova i mekim pasin marimari long Jop na skulim em long mekim pasin marimari
Lu 15:11-32—Jisas i tok piksa long pasin marimari bilong Jehova taim em i stori long pasin wanpela papa i mekim long pikinini man husat i bikhet na lusim papa, tasol bihain em i tanim bel na kam bek
Wai na Jehova i save mekim pasin marimari long yumi?
Lukim tu Ta 3:4, 5
Olsem wanem ofa bilong Krais i opim rot long God i ken fogivim ol sin bilong yumi?
Wai na yumi mas askim God long marimari long yumi na yumi no ken mekim nabaut long dispela presen?
Ol eksampel long Baibel:
Sg 51:1-4—King Devit i bin bel hevi tru long ol sin em i bin mekim na em i daunim em yet na askim Jehova long marimari long em
Lu 18:9-14—Jisas i mekim wanpela tok piksa bilong kamapim klia olsem Jehova i save marimari long ol man husat i daunim ol yet na tokaut long ol popaia bilong ol
Wai na ol man i mekim ol bikpela sin, ol i ken bilip olsem Jehova bai marimari long ol?
Ol eksampel long Baibel:
2St 33:9-13, 15—Manase em wanpela king nogut tru, em i tanim bel na askim Jehova long marimari long em, Jehova i larim em i mekim gen wok king na bihain em i soim olsem em i bin senisim tru ol pasin bilong em
Jna 3:4-10—Maski ol Ninive i save pait na kilim i dai ol man, ol i tanim bel long ol pasin nogut bilong ol na God i marimari long ol
Wai na em i bikpela samting long sinman i mas tokaut long ol sin bilong em na senisim ol pasin bilong em na bai Jehova i ken marimari long em?
Pasin marimari bilong Jehova i no inap banisim yumi long ol panismen o ol hevi i kamap long sin yumi bin mekim
Wai na yumi mas mekim pasin marimari?
Sapos yumi no mekim pasin marimari, dispela bai mekim wanem long pasin pren bilong yumi wantaim Jehova?
Lukim tu Pr 21:13
Ol eksampel long Baibel:
Mt 18:23-35—Jisas i mekim wanpela tok piksa bilong soim olsem man i no mekim pasin marimari, Jehova i no inap marimari long em
Lu 10:29-37—Wanpela tok piksa em planti man i save long en i soim olsem Jehova na Jisas i no orait long ol man i no save mekim pasin marimari, tasol ol i amamas long man i save mekim pasin marimari olsem man Samaria