Spesel Pablik Tok
Bel Isi na Gutpela Sindaun Bai Kamap Long Wanem Taim?
Inap planti tausen yia, ol man i wok strong long kamapim bel isi na gutpela sindaun. Tasol wok bilong ol man i no kamapim bel isi tru na gutpela sindaun. Bilong wanem? Baibel i stori long tupela as na ol man i no inap kamapim bel isi tru. Na tu, Baibel i gat dispela gutpela tok olsem: God i bin promis long kamapim bel isi tru long olgeta hap bilong graun na ol man bai stap gut tru.
Olsem wanem na long wanem taim dispela bel isi tru na gutpela sindaun bai kamap tru tru? Yu mas mekim wanem na bai yu ken kisim dispela gutpela blesing? Dispela pablik tok “Bel Isi na Gutpela Sindaun Bai Kamap Long Wanem Taim?” bai bekim ol dispela askim. Dispela tok em Baibel i as bilong en, bai kamap long winim 230 kantri long olgeta hap bilong graun. Long planti hap, dispela tok bai kamap long Haus Kingdom bilong ol Witnes Bilong Jehova long Sande, Epril 18, 2010. Ol Witnes i stap long hap bilong yu bai amamas long toksave long yu long taim na ples bilong bung. Mipela i laik singautim yu i kam long dispela bung.