Bilong Ol Yangpela
Abrusim Ol Poroman Nogut!
Pasin bilong mekim: Mekim dispela projek long wanpela hap we i no gat planti nois. Taim yu ritim ol skripsa, tingim olsem yu yet i stap insait long stori. Piksaim long tingting ol samting i kamap. Harim nek bilong ol man i toktok. Pilim tingting bilong ol man insait long stori. Mekim dispela stori i kamap olsem samting tru tru em yu lukim i stap.
Ol man insait long stori: Daina, Sekem, Jekop, Simeon, na Livai
Bikpela tok: Sekem i reipim Daina na ol brata bilong Daina i belhat na bekim rong.
1 SKELIM SAMTING I KAMAP.—RITIM STAT 34:1-31.
Yu ting wanem sampela samting Daina i mekim wantaim ol poroman bilong em long Kenan?
․․․․․
Yu ting Sekem i mekim wanem “ol switpela tok” bilong grisim Daina?
․․․․․
Yu ting krai bilong nek bilong Jekop i olsem wanem taim em i krosim Simeon na Livai olsem ves 30 i stori long en?
․․․․․
2 SKELIM I GO MOA.
Yu ting bilong wanem Daina i save go oltaim long lukim ol yangpela meri Kenan? (Olsem, wanem samting long Daina i wankain long ol? Wanem samting em i lukim namel long ol Kenan em samting em i no lukim long haus bilong em yet?)
․․․․․
Wanem sampela gutpela pasin bilong Sekem em Daina i laikim? (Ritim gen ves 3, 12, na 19.)
․․․․․
Olsem wanem Baibel i kamapim klia olsem Daina i no orait long slip wantaim Sekem? (Ritim gen ves 2.)
․․․․․
Yu ting i stret long Simeon na Livai i bekim rong long rot bilong kilim i dai ol manmeri bilong taun Sekem? Bilong wanem yu tok olsem?
․․․․․
3 MEKIM GUTPELA WOK LONG SAMTING YU LAINIM. RAITIM SAMTING YU KISIM SAVE LONG EN . . .
Bihainim gutpela tingting taim yu makim ol gutpela poroman.
․․․․․
Bikpela samting long bosim gut bel, maski i gat as na yu belhat long wanpela samting.
․․․․․
SAMPELA TOK MOA YU KEN MEKIM WOK LONG EN.
Yu inap mekim wanem na bai ol man husat i no save bihainim ol lo bilong God long stretpela pasin, ol i no ken mekim pasin sem long yu?
․․․․․
4 WANEM SAMTING LONG DISPELA STORI BILONG BAIBEL YU PILIM TRU? BILONG WANEM YU TOK OLSEM?
․․․․․
Yu ken ritim sampela nius moa bilong Baibel long intenet long www.watchtower.org