BEKIM OL ASKIM BILONG BAIBEL
Olsem wanem ol pikinini inap laikim God?
Use lessons from creation to help your child to know and to love God
Sapos ol pikinini i save olsem God i stap tru na em i laikim ol, dispela bai kirapim ol long laikim God. Bilong laikim God, ol i mas kisim save long em. (1 Jon 4:8) Olsem, ol pikinini i mas save long bekim bilong ol dispela askim: Bilong wanem God i wokim ol man? Bilong wanem God i larim ol man i karim ol pen na hevi? God bai mekim wanem bilong helpim ol man?—Ritim Filipai 1:9.
Bilong helpim ol pikinini long laikim God, yu yet i mas soim olsem yu laikim God. Taim ol i lukim gutpela pasin bilong yu, ol tu bai mekim olsem.—Ritim Lo 6:5-7; Sindaun 22:6.
Yu inap putim tok i tru i go daun long bel bilong pikinini?
Tok Bilong God i gat bikpela strong. (Hibru 4:12) Olsem na helpim pikinini long kisim save long ol bikpela as tok bilong Baibel. Bilong putim tok i go daun long bel bilong ol man, Jisas i bin givim ol askim, putim gut yau, na kamapim insait bilong ol tok bilong Baibel. Olsem na bilong putim tok i tru i go daun long bel bilong pikinini, yu ken bihainim pasin bilong Jisas long skulim ol man.—Ritim Luk 24:15-19, 27, 32.
Na tu, ol stori bilong Baibel long God i bin helpim ol man inap helpim ol pikinini long kisim save long God na laikim em. Ol i wokim ol buk na nius bilong helpim ol pikinini long save long God na i stap long Web-sait www.jw.org/tpi.—Ritim 2 Timoti 3:16.