Riviu Bilong Skul Tiokratik Bilong Autim Tok

Olsem wanem Wok Pris 18:3 inap helpim yumi long abrusim tingting kranki bilong ol man long wanem samting i stret na wanem samting i no stret? (Efe. 4:17-19) [Jul. 7, w02 2/1 p. 29 par. 4]

Yumi kisim wanem skul long tok i stap Wok Pris 19:2? Bilong wanem yumi wok strong long bihainim? [Jul. 7, w09 7/1 p. 9 par. 5]

Stiatok insait long lo bilong bipo long larim sampela kaikai i stap long gaden i skulim yumi long wanem samting long nau? (Wkp. 19:9, 10) [Jul. 7, w06 6/15 p. 22-23 par. 13]

Taim Baibel i tok ol i mas ‘bagarapim ai bilong man i bagarapim ai bilong narapela,’ bilong wanem yumi ken tok dispela lo i no strongim pasin bilong bekim rong? (Wkp. 24:19, 20) [Jul. 14, w09 9/1 p. 22 par. 2-3]

Long wanem taim em i no stret long wanpela Israel i kisim winmani long narapela Israel i dinau long em? Na long wanem taim i stret long ol i kisim winmani? (Wkp. 25:35-37) [Jul. 21, w04 5/15 p. 24 par. 3]

Tru tru i gat 13 lain bilong Israel, tasol taim Baibel i stori long ol, bilong wanem em i save stori tasol long 12-pela lain? (Nam. 1:49, 50) [Jul. 28, w08 7/1 p. 21]

Yumi kisim wanem skul long pasin bilong tingim ol lapun long stori bilong ol Livai long taim ol i ritaia long wok, olsem i stap long Namba 8:25, 26 i kamapim? [Ogas 11, w04 8/1 p. 25 par. 1]

Taim Jehova i wokim mirakel na kisim bek ol Israel long Isip, bilong wanem ol i kirap long toktok planti? Dispela stori i lainim yumi long wanem bikpela samting? (Nam. 11:4-6) [Ogas 18, w95 3/1 p. 15-16 par. 10]

Bekim Moses i kamapim taim Eldat na Medat i mekim tok olsem profet, dispela i givim wanem skul long yumi? (Nam. 11:27-29) [Ogas 18, w04 8/1 p. 26 par. 4]

Yumi kisim skul long wanem bikpela stiatok long lo God i givim long ol Israel long ‘wokim ol liklik mekpas bilong pasim long 4-pela kona bilong klos bilong ol’? (Nam. 15:37-39) [Ogas 25, w04 8/1 p. 26 par. 7]