Tipisalema

108 Oho Xikwembu,+ mbilu ya mina yi yime yi tiya.

Ndzi ta yimbelela, ndzi yimbelela miloti,+

Hambi ku ri ku vangama ka mina.+

 2 Xalamuka, Wena xichayachayana xa switende; na Wena haripa.+

Ndzi ta xalamukisa vurhonga.+

 3 Ndzi ta ku dzunisa exikarhi ka vanhu, Wena Yehovha;+

Naswona ndzi ta ku yimbelelela miloti exikarhi ka vanhu va matiko.+

 4 Hikuva musa wa wena wa rirhandzu i wukulu ku ya fika ematilweni,+

Ni ntiyiso wa wena ku ya fika exibakabakeni.+

 5 Tlakuseriwa ehenhla ka matilo, Wena Xikwembu;+

Naswona ku vangama ka wena a ku ve ehenhla ka misava hinkwayo.+

 6 Leswaku lava rhandzekaka va wena va ponisiwa,+

Oho, ponisa hi voko ra wena ra xinene naswona u ndzi hlamula.+

 7 Xikwembu hi xoxe xi vulavule xi ri eku kwetsimeni ka xona:+

“Ndzi ta khana, ndzi ta nyikela Xikeme+ a va xiavelo;+

Ni rivala ra le hansi ra Sukoti ndzi ta ri pima.+

 8 Giliyadi+ i ra mina; Manase+ i ra mina;

Kasi Efrayimi i xisirhelelo xa murhangeri wa mina;+

Yuda i nhonga ya ndhuna ya mina.+

 9 Mowabu+ i mbita ya mina yo hlambela eka yona.+

Ndzi ta lahlela phaxani+ ra mina ehenhla ka Edomu.+

Ndzi ta huwelela hi ku hlula+ ehenhla ka Filisita.”+

10 I mani la nga ta ndzi yisa emutini lowu tiyisiweke?+

Kunene i mani la nga ta ndzi rhangela ku ya fika aEdomu?+

11 Oho Xikwembu, xana a hi wena loyi u hi cukumeteke+

La nga fambiki ni mavuthu ya hina tanihi Xikwembu?+

12 Hi pfune emaxangwini,+

Tanihi leswi ku ponisiwa ka munhu wa la misaveni ku nga pfuniki nchumu.+

13 Hi ta kuma ntamu lowukulu+ eka Xikwembu,

Naswona xona xi ta kandziyela swirha swa hina.+