Tipisalema

114 Loko Israyele a huma aEgipta,+

Yindlu ya Yakobe yi huma evanhwini lava nga riki na vutlhari,+

 2 Yuda u ve ndhawu yakwe yo kwetsima,+

Israyele u ve ndhawu yakwe leyikulu leyi lawuriwaka.+

 3 Lwandle ri swi vonile kutani ri baleka;+

Loko ku ri nambu wa Yordani, wu sungule ku hundzulukela endzhaku.+

 4 Tintshava ti tlalambe kukota makhuna,+

Switsunga kukota swinyimpfana.

 5 Wena lwandle, xana a swo yini hi wena, leswi u balekeke,+

Wena Yordani, leswi u hundzulukeleke endzhaku?+

 6 Oho n’wina tintshava, leswi mi tlula-tluleke kukota makhuna;+

Oho n’wina switsunga, kukota swinyimpfana?+

 7 Wena misava,+ khomiwa hi switlhavi leswikulu hikwalaho ka Hosi,

Hikwalaho ka Xikwembu xa Yakobe,

 8 Lexi hundzulaka ribye ri va ndhawu ya mahlanga leyi nga ni mati,+

Ribye ro tiya ri va xihlovo xa mati.+