Tipisalema
Maskili. Ya Davhida, loko a ri ebakweni.+ Xikhongelo.
142 Ndzi huwelele hi rito ra mina eka Yehovha, ndzi kombe la mpfuno;+
Ndzi kombele Yehovha hi rito ra mina leswaku a ndzi komba tintswalo.+
2 Ndzi hambete ndzi phofula mhaka leyi ndzi karhataka emahlweni ka yena;+
Ndzi ye emahlweni ndzi n’wi byela hi maxangu ya mina,+
3 Loko moya+ wa mina wu tsana endzeni ka mina.
Kutani wena u yi tivile ndlela ya mina.+
Ndlela leyi ndzi fambaka ha yona+
Va ndzi fihlele xirimbana.+
4 Languta evokweni ra xinene u vona
Leswaku a nga kona la nga ni mhaka na mina.+
Vutumbelo bya mina byi nyamalarile;+
A nga kona la vutisisaka hi moya-xiviri wa mina.+