Tipisalema

21 Oho Yehovha, hosi ya tsa ka+ hi ntamu wa wena;

Mawaku ndlela leyi yi lavaka ku tsaka swonghasi hi ku ponisa ka wena!+

 2 U yi nyike leswi naveriwaka hi mbilu ya yona,+

A wu yi tsonanga+ leswi milomu ya yona yi swi navelaka. Seʹlah.

 3 Hikuva u yi hlangavete hi mikateko leyinene,+

Ni ku veka harhi ya nsuku+ lowu tengisiweke enhlokweni ya yona.

 4 Yi kombele vutomi eka wena. U yi nyikile,+

Ku leha ka masiku hilaha ku nga riki na makumu, hi masiku.+

 5 Ku vangama ka yona i kukulu eku poniseni ka wena.+

Xindzhuti ni ku vangama u swi veka ehenhla ka yona.+

 6 Hikuva wa yi katekisa swinene hi masiku;+

U yi endla yi khana hi ku tsaka exikandzeni+ xa wena.

 7 Hikuva hosi yi tshemba Yehovha,+

Ni musa wa rirhandzu wa La nge Henhlahenhla. Yi nga ka yi nga tsekatsekisiwi.+

 8 Voko ra wena ri ta va kuma hinkwavo valala+ va wena;

Voko ra wena ra xinene ri ta va kuma lava ku vengaka.

 9 U ta va endla va va khele ra ndzilo leri pfurhaka hi nkarhi lowu vekiweke wa ku va nyika nyingiso.+

Yehovha u ta va mita hi ku hlundzuka kakwe ni ndzilo wu ta va lovisa.+

10 Mihandzu ya vona u ta yi lovisa emisaveni+ leyi,

Ni vana va vona exikarhi ka vana va vanhu.+

11 Hikuva va kongomise swo biha ehenhla ka wena;+

Va ni mianakanyo leyi va nga swi kotiki ku yi hetisisa.+

12 Hikuva u ta endla leswaku va hundzuluka va baleka+

Hi vurha bya wena lebyi u byi endleke byi lunghekela xikandza+ xa vona.

13 Oho Yehovha,+ tlakusiwa hi ntamu wa wena.

Hi ta yimbelela, hi yimbelelela matimba+ ya wena miloti.