Tipisalema
Eka mufambisi wa Khon’wa ra Xitsundzuxo. Miktami. Ya Davhida. Ya ku dyondzisa.+ Loko a lwa na Aramu-naharayimi na Aramu-Zoba, Yowabu a vuyela kutani a dlaya Vaedomu va 12 000, eNkoveni wa Munyu.+
3 U endle leswaku vanhu va wena va nonon’hweriwa.+
U hi endle leswaku hi nwa vhinyo leyi hi rhurhumerisaka.+
4 Lava va ku chavaka u va nyike xikombiso+
Leswaku va tsutsuma hi ku jikajika hikwalaho ka vurha. Seʹlah.
5 Leswaku lava rhandzekaka va wena va ponisiwa,+
Oho, ponisa hi voko ra wena ra xinene naswona u hi hlamula.+
6 Xikwembu hi xoxe xi vulavule xi ri eku kwetsimeni ka xona:+
“Ndzi ta khana, ndzi ta avela Xikeme;+
Ni rivala ra le hansi ra Sukoti ndzi ta ri pima.+
7 Giliyadi i ra mina na Manase i ra mina,+
Kasi Efrayimi i xisirhelelo xa murhangeri wa mina;
Yuda i nhonga ya ndhuna ya mina.+
8 Mowabu i mbita ya mina yo hlambela eka yona.+
Ndzi ta lahlela phaxani ra mina ehenhla ka Edomu.+
Ndzi ta huwelela hi ku hlula ehenhla ka Filisita.”+
9 I mani la nga ta ndzi yisa emutini lowu rhendzeriweke?+
Kunene i mani la nga ta ndzi rhangela ku fika aEdomu?+