Yeremiya
39 Hi lembe ra vukaye ra Sedekiyasi hosi ya Yuda, hi n’hweti ya vukhume,+ Nebukadretsara hosi ya Babilona ni vandla rakwe hinkwaro ra nyimpi a ta eYerusalema kutani a wu rhendzela.+
2 Hi lembe ra vu-11 ra Sedekiyasi, hi n’hweti ya vumune, esikwini ra vukaye ra n’hweti, ku boxiwe muti.+ 3 Kutani tihosana hinkwato ta hosi ya Babilona ti nghena, ti tshama eNyangweni ya le Xikarhi,+ ku nga Negala-xarezere, Samigara-nebo, Sasekimi, Rabusarisi, Negala-xarezere lowa Murabumaga ni tihosana letin’wana hinkwato ta hosi ya Babilona.
4 Kuteloko Sedekiyasi hosi ya Yuda ni vavanuna hinkwavo va nyimpi va va vona, va sungula ku baleka,+ va huma nivusiku emutini hi ndlela ya le ntangeni wa hosi,+ hi nyangwa leyi nga exikarhi ka marhangu mambirhi; va huma hi ndlela ya le Arabha.+ 5 Kutani vandla ra nyimpi ra Vakalidiya ri va hlongorisa,+ va kuma Sedekiyasi etimbaleni ta le kwandzasini ra Yeriko.+ Va n’wi teka, va n’wi yisa eka Nebukadretsara hosi ya Babilona eRibla+ etikweni ra Hamati+ leswaku a ta n’wi gweva.+ 6 Kutani hosi ya Babilona yi dlaya+ vana va Sedekiyasi eRibla ematihlweni ya yena,+ ni vanhu hinkwavo va xiyimo xa le henhla va tiko ra Yuda, hosi ya Babilona yi va dlaya.+ 7 Hiloko yi pfala mahlo+ ya Sedekiyasi, endzhaku ka sweswo yi n’wi boha hi tinketana ta koporo, leswaku yi n’wi tisa eBabilona.
8 Kutani Vakalidiya va hisa yindlu+ ya hosi ni tindlu ta vanhu, va hirimuxa ni marhangu ya Yerusalema.+ 9 Kutani vanhu lava a va sele emutini, ni lava siyiweke lava weleke eka yena, ni vanhu hinkwavo lava a va sele, Nebuzaradani+ murhangeri wa varindzi+ u va yise evukhumbini eBabilona.+
10 Kutani vanhu van’wana, swisiwana leswi a swi nga ri na nchumu, Nebuzaradani murhangeri wa varindzi u va siye etikweni ra Yuda;+ kutani a va nyika masimu ya vhinya ni mintirho yo sindzisiwa esikwini rero.+
11 Ku tlula kwalaho, Nebukadretsara hosi ya Babilona u nyike xileriso malunghana na Yeremiya a tirhisa Nebuzaradani murhangeri wa varindzi, a ku: 12 “N’wi teke kutani mahlo ya wena ma va ehenhla ka yena, u nga n’wi endli nchumu xo biha nikatsongo.+ Kambe leswi a nga ta ku byela swona, n’wi endlele swona.”+
13 Hikwalaho Nebuzaradani+ murhangeri wa varindzi na Nebuxazibani lowa Murabusarisi na Negala-xarezere lowa Murabumaga, ni vakulukumba hinkwavo va hosi ya Babilona va rhumela rito; 14 va tlhele va rhumela rito leswaku ku ya tekiwa Yeremiya eXivaveni xa Murindzi,+ a nyiketiwa eka Gedaliya+ n’wana wa Ahikama+ n’wana wa Xafani,+ leswaku a n’wi tisa endlwini yakwe, leswaku a tshama exikarhi ka vanhu.
15 Kutani rito ra Yehovha ri fika eka Yeremiya loko a ha pfaleriwe eXivaveni xa Murindzi,+ ri ku: 16 “Famba, u ya byela Ebedi-meleke+ lowa Muetiyopiya, u ku, ‘Yehovha wa mavuthu, Xikwembu xa Israyele, u te: “Waswivo, ndzi hetisisa marito ya mina ehenhla ka muti lowu hi khombo, ku nga ri hi leswinene,+ kunene ma ta hetiseka emahlweni ka n’wina esikwini rero.”’+
17 “‘Ndzi ta ku kutsula esikwini rero,’+ ku vula Yehovha, ‘naswona a wu nge nyiketiwi evokweni ra vanhu lava u va chavaka.’+
18 “‘Hikuva ndzi ta ku ponisa, naswona a wu nge dlayiwi hi banga; kunene moya-xiviri wa wena wu ta kotisa leswi phangiweke,+ hikuva u ndzi tshembile,’+ ku vula Yehovha.”