Swirilo
5 Oho Yehovha, tsundzuka le-swi endlekeke eka hi-na.+ Languta, u vona ndzhukano wa hina.+
2 Ndzhaka ya hina yi nyikiwe vafambi, tindlu ta hina ti nyikiwe vanhu vambe.+
3 Hi hundzuke vana lava siyiweke lava nga riki na tatana.+ Vamana wa hina va fana ni tinoni.+
4 Hi boheke ku nwa mati ya hina hi mali.+ Tihunyi ta hina ti ta hi hakelo.
5 Hi hlongorisiwile ekusuhi swinene.+ Hi hele matimba. Ku wisa a hi ku kumanga.+
6 Egipta+ hi n’wi nyike voko;+ Asiriya,+ leswaku hi xurha hi xinkwa.
7 Vatatana hi vona lava dyoheke.+ A va ha ri kona. Loko ku ri hina, hi boheke ku byarha swihoxo swa vona.+
8 Hi fumiwe hi malandza manene.+ A ku na munhu loyi a hi susaka evokweni ra wona.+
9 Hi kuma xinkwa+ xa hina hi ku nghenisa moya-xiviri wa hina ekhombyeni, hikwalaho ka banga ra le mananga.
10 Nhlonge ya hina yi hisa kukota khele ra ndzilo, hikwalaho ka switlhavi swa ndlala.+
11 Va tsongahate vasati va le Siyoni,+ vanhwana va miti ya Yuda.
12 Tihosana ti hayekiwe hi voko ra tona.+ Swikandza swa vavanuna lava dyuhaleke a swi xiximiwanga.+
13 Hambi ku ri majaha ma tlakuse ribye ro sila,+ naswona vafana va khunguvanyisiwe hi mintsandza.+
14 Vavanuna lava dyuhaleke va herile enyangweni,+ majaha ma herile eka vuyimbeleri bya wona bya swichayachayana.+
15 Ku khana ka mbilu ya hina ku herile. Ku cina ka hina ku hundzuke ku rila.+
16 Harhi ya nhloko ya hina yi wile.+ Sweswi, hi ni khombo, hikuva hi dyohile!+
17 Hikwalaho ka leswi, mbilu ya hina ya vabya.+ Hikwalaho ka swilo leswi, mahlo ya hina ma tsanile,+
18 Hikwalaho ka ntshava ya Siyoni leyi saleke yi ri rhumbi;+ tinhlati ti nghene eka yona.+
19 Oho Yehovha, wena u ta tshama hilaha ku nga riki na makumu.+ Xiluvelo xa wena i xa xitukulwana xin’wana ku ya eka xitukulwana xin’wana.+
20 Ha yini u hi rivala hi masiku,+ u hi siya masiku yo leha?+
21 Oho Yehovha, hi vuyise+ eka wena, kutani hi ta vuya hi ku hatlisa. Hi tisele masiku lamantshwa ku fana ni khale swinene.+
22 Hambiswiritano, u hi bakanyile hakunene.+ U hi hlundzukerile swinene.+