Hosiya

3 Yehovha a ya emahlweni a ku eka mina: “Tlhela u famba, u ya rhandza wansati la rhandziwaka hi nakulobye,+ loyi a endlaka vuoswi, ku fana ni le ka rirhandzu ra Yehovha eka vana va Israyele+ loko va hundzulukela eka swikwembu swin’wana,+ va rhandza swimbundzwa swa mukhusu wa madiriva.”+

2 Ndzi tixavele yena hi swiphemu swa silivhere swa 15+ ni mpimo wa homere wa maxalana ni xiphemu xa mpimo wa homere xa maxalana. 3 Kutani ndzi ku eka yena: “U ta tshama u ri wa mina masiku yo tala.+ U nga tshuki u endla vumbhisa,+ u nga tshuki u va wa wanuna un’wana;+ na mina ndzi ta va wa wena.”

4 Hikuva ku ringana masiku yo tala vana va Israyele va ta tshama va nga ri na hosi,+ va nga ri na hosana, va nga ri na xitlhavelo,+ va nga ri na phuphu, va nga ri na efodi+ ni terafimi.+ 5 Endzhaku ka sweswo vana va Israyele va ta vuya, kunene va ta lava Yehovha Xikwembu xa vona,+ na Davhida hosi ya vona;+ kunene va ta ta eka Yehovha va rhurhumela+ ni le ka vunene bya yena exiphen’wini xo hetelela xa masiku.+