2 Hi ku ya hi matimba ya mina hinkwawo,+ ndzi lunghiselele+ yindlu ya Xikwembu xanga nsuku+ wa ntirho lowu endliwaka hi nsuku, ni silivhere ya ntirho lowu endliwaka hi silivhere, ni koporo ya ntirho lowu endliwaka hi koporo, ni nsimbi+ ya ntirho lowu endliwaka hi nsimbi, ni timhandzi+ ta ntirho lowu endliwaka hi timhandzi; maribye ya onikisi,+ ni maribye lawa ma nga ta hlanganisiwa hi ndzhope wo aka lowu tiyeke, ni maribye ya mavalavala, ni maribye ya muxaka wun’wana ni wun’wana wa risima, ni maribye ya alabasta yo tala.