23 ntsumbu wakwe wu nga tshuki wu tshama vusiku hinkwabyo emhandzini;+ kambe hakunene u fanele u n’wi lahla esikwini rero, hikuva loyi a hayekiweke+ u rhukaniwe hi Xikwembu; u nga tshuki u nyamisa misava ya wena leyi Yehovha Xikwembu xa wena a ku nyikaka yona leswaku yi va ndzhaka.+

27 Kutani hi nkarhi wa ku pela ka dyambu, Yoxuwa a humesa xileriso, hiloko va ti hawula etimhandzini,+ kutani va ti lahlela ebakweni leri a ti tifihle eka rona. Hiloko va veka maribye lamakulu enon’wini wa bako—ku fikela esikwini leri.