20 Vhinyo i muhlekuri,+ swakunwa leswi pyopyaka swi ni matimba,+ naswona loyi swi n’wi pepetsekisaka a nga tlharihanga.+

11 Khombo eka lava pfukaka nimpundzu swinene va lava swakunwa leswi pyopyaka,+ lava tshamaka kukondza ku va vusiku, va kala va hisiwa hi vhinyo!+

13 A hi fambeni hi ku tenga+ tanihi loko ku ri nhlikanhi, hi nga yi eminkhubyeni ya huwa, hi nga tinyiketeli eku dakweni,+ eka rimbewu leri nga riki enawini ni le ka ku tikhoma ko biha,+ swin’we ni le ka madzolonga+ ni mavondzo.

31 Hikokwalaho, hambi mi dya kumbe mi nwa kumbe mi endla yini na yini, endlani hinkwaswo leswaku mi vangamisa+ Xikwembu.

3 Hikuva wu ringene nkarhi+ lowu hundzeke lowu ha wona a mi endla ku rhandza ka matiko+ loko ma ha ya emahlweni ni swiendlo swa ku tikhoma+ ko biha, ku navela ko biha, ku kukutlela vhinyo,+ minkhuvo ya huwa, mimphikizano ya ku nwa, ni ku gandzela swifaniso+ swa hava loku hambaneke ni nawu.