17 Mi nga tshuki mi ya hi nghohe loko mi avanyisa.+ Mi fanele mi yingisa lontsongo ku fana ni lonkulu.+ Mi nga tshuki mi chavisiwa hi munhu,+ hikuva ku avanyisa i ka Xikwembu;+ kutani mhaka leyi yi mi nonon’hwelaka, mi fanele mi yi tisa eka mina, ndzi fanele ndzi yi twa.’+

15 Davhida a ya emahlweni a fuma tiko hinkwaro ra Israyele;+ Davhida a a hambeta a avanyisa vanhu+ va yena hinkwavo ni ku va endlela swo lulama.+

4 Kutani u ta avanyisa swisiwana hi ku tshembeka,+ naswona u ta tshinya hi vunene ku pfuna lavo rhula emisaveni. U ta ba misava hi nhonga ya nomu wakwe;+ naswona hi moya wa milomu yakwe u ta dlaya lowo homboloka.+

3 Yehovha u te: “Kombisani vululami ni ku tshembeka, mi kutsula loyi a kanganyisiwaka evokweni ra mudyeleri; naswona mi nga tshuki mi khoma muluveri hi tihanyi, n’wana la nga riki na tatana kumbe noni.+ Mi nga va endleli madzolonga.+ Naswona mi nga tshuki mi halata ngati leyi nga riki na nandzu endhawini leyi.+

24 Tshikani ku avanyisa hi ku landza ku languteka ka munhu, kambe avanyisani hi vuavanyisi+ byo lulama.”

9 U rhandze ku lulama, naswona u venge ku kala nawu. Hi yona mhaka leyi Xikwembu, Xikwembu xa wena, xi ku toteke+ hi mafurha ya ku khana ku tlula lava u tirhisanaka+ na vona.”

11 Kavaloko ndzi vona matilo ma pfuleka, kutani waswivo, ku humelela hanci+ yo basa. Loyi a tshameke ehenhla ka yona u vuriwa wo Tshembeka+ ni wa Ntiyiso,+ naswona u avanyisa ni ku lwa hi ku lulama.+