21 Xikwembu xi ya emahlweni xi tumbuluxa swivandzana+ leswikulu swa le lwandle ni mimoya-xiviri hinkwayo leyi hanyaka, leyi famba-fambaka,+ leyi teleke ematini hi ku ya hi mixaka ya yona, ni swivumbiwa hinkwaswo leswi nga ni timpapa leswi hahaka hi ku ya hi mixaka ya swona.+ Hiloko Xikwembu xi swi vona leswaku a swi ri swinene.

9 Xalamuka, xalamuka, tiambexe ntamu,+ Wena voko ra Yehovha!+ Xalamuka ku fana ni le masikwini ya khale swinene, ku fana ni le minkarhini ya switukulwana swa khale swinene.+ Xana a hi wena la tshoveleleke Rahava,+ loyi a tlhaveke xivandzana xa le lwandle?+

3 Vulavula u ku, ‘Yehovha, Hosi leyi Lawulaka u te: “Waswivo, ndzi lwa na wena, Wena Faro, hosi ya Egipta,+ xivandzana lexikulu xa le lwandle+ lexi vundzeke exikarhi ka misele ya Nayili,+ loyi a nga te, ‘Nambu wa mina wa Nayili i wa mina, naswona mina—ndzi wu endle wu va wa mina.’+

2 “N’wana wa munhu, yimba risimu ra xirilo malunghana na Faro hosi ya Egipta, u vula eka yena u ku, ‘U miyetiwile kukota xinghalana xa ntshiva xa matiko.+

“‘U fane ni xivandzana xa le matini emalwandle,+ u hambeta u hlambela emilambyeni ya wena, u tshamela ku pfindlusa mati hi milenge ya wena, u thyakisa milambu ya vona.’