14 Yehovha a ya emahlweni a ku eka mina: “Vaprofeta, va profeta mavunwa hi vito ra mina.+ A ndzi va rhumanga, hambi ku ri ku va lerisa kumbe ku vulavula na vona.+ Va mi byela xivono xa mavunwa ni ku hlahluva ni xilo lexi nga pfuniki nchumu+ ni ku kanganyisa ka mbilu ya vona, hi ndlela ya vuprofeta.+

21 “Vaprofeta a ndzi va rhumanga, kambe vona va tsutsumile. A ndzi vulavulanga na vona, kambe vona va profetile.+

15 Muprofeta Yeremiya a ya emahlweni a byela Hananiya+ lowa muprofeta a ku: “Ndzi kombela u yingisa, Wena Hananiya! Yehovha a nga ku rhumanga, kambe wena u endle leswaku vanhu lava va tshemba mavunwa.+

8 Hikuva Yehovha wa mavuthu, Xikwembu xa Israyele, u te: “Mi nga pfumeli ku xisiwa+ hi vaprofeta lava nga exikarhi ka n’wina ni vangoma va n’wina, naswona mi nga yingisi milorho ya vona leyi va yi lorhaka.+

6 “Va vone leswi nga riki swa ntiyiso ni ku hlahluva ko hemba,+ lava va nge, ‘Marito ya Yehovha hi lawa,’ kasi Yehovha a nga va rhumanga, naswona va rindzele leswaku rito ri hetiseka.+