19 nileswaku mi nga tlakuseli mahlo ya n’wina ematilweni, hakunene mi vona dyambu ni n’weti ni tinyeleti, vuthu hinkwaro ra le matilweni, kunene mi kanganyiseka mi swi nkhinsamela, mi swi tirhela,+ swilo leswi Yehovha Xikwembu xa n’wina a swi aveleke vanhu hinkwavo lava nga ehansi ka matilo+ hinkwawo.

3 kutani a famba a ya gandzela swikwembu swin’wana naswona a swi nkhinsamela kumbe a nkhinsamela dyambu kumbe n’weti kumbe vuthu hinkwaro ra le matilweni,+ nchumu lowu ndzi nga wu lerisangiki,+

16 Va hambeta va siya swileriso+ hinkwaswo swa Yehovha Xikwembu xa vona, va ya emahlweni va tiendlela swifaniso leswi n’okisiweke,+ marhole mambirhi,+ va endla mhandzi yo kwetsima,+ va sungula ku nkhinsamela vuthu hinkwaro ra le matilweni+ ni ku tirhela Bali;+

5 Vaprista va swikwembu swimbe a va tshikisa ntirho, lava tihosi ta Yuda a ti va veke leswaku va mbulukisa xitlhavelo etindhawini leti tlakukeke emitini ya Yuda ni le tindhawini leti rhendzeleke Yerusalema, ni lava a va mbulukisela Bali+ xitlhavelo, edyambyini ni le n’wetini ni le nhlengeletweni wa tinyeleti to karhi ni le ka vuthu hinkwaro ra le matilweni.+

2 Entiyisweni va ta ma hangalasa edyambyini ni le n’wetini ni le ka vuthu hinkwaro ra le matilweni leri va ri rhandzeke, leri va ri tirheleke, leri va ri landzeleleke,+ leri va ri lavisiseke, va tlhela va ri nkhinsamela.+ A ma nge hlengeletiwi, hambi ku ri ku yimberiwa. Ma ta va vulongo ehenhla ka xikandza xa misava.”+

17 kambe hi ta endla rito rin’wana ni rin’wana leri humeke enon’wini wa hina,+ leswaku hi mbulukisa xitlhavelo eka ‘hosi ya xisati ya matilo’+ ni ku yi chululela magandzelo ya swakunwa,+ hilaha hina+ ni vatata wa hina,+ tihosi ta hina+ ni tihosana ta hina hi endleke hakona emitini ya Yuda ni le switarateni swa Yerusalema, enkarhini lowu a hi xurha hi xinkwa ni swilo swi hi fambela kahle, naswona a hi vonanga khombo nikatsongo.+