44 Hambiswiritano, eka hinkwaswo leswi loko va ri etikweni ra valala va vona, kunene a ndzi nge va bakanyi+ kumbe ndzi va nyenya+ lerova ndzi va lovisa, ndzi onha ntwanano+ wa mina na vona; hikuva hi mina Yehovha Xikwembu xa vona.

3 Yehovha Xikwembu xa wena u fanele a tlhela a vuyisa lava nga makhumbi ya n’wina,+ a ku komba tintswalo+ naswona a tlhela a ku vuyisa eka vanhu hinkwavo lava Yehovha Xikwembu xa wena a ku hangalaseleke eka vona.+

15 Hikwalaho a yisa Yoyakini+ evukhumbini eBabilona;+ kutani mana+ wa hosi ni vasati va hosi ni vatirhi va yona va le hubyeni+ ni vavanuna lava nga varhangeri va tiko, a va rhangisa va ri vanhu lava yisiwaka evukhumbini ku suka eYerusalema ku ya eBabilona.

5 “Yehovha Xikwembu xa Israyele u te, ‘Ku fana ni makuwa lawa lamanene, ndzi ta va languta hi ndlela yoleyo lava nga evukhumbini va Yuda, lava ndzi nga ta va susa endhawini leyi va ya etikweni ra Vakalidiya,+ hi ndlela leyinene.+

11 “Hikuva ndzi na wena,” ku vula Yehovha, “leswaku ndzi ku ponisa;+ kambe ndzi ta tisa ndzoviso exikarhi ka matiko hinkwawo lawa ndzi ku hangalaseleke eka wona.+ Hambiswiritano, wena a ndzi nge ku lovisi.+ Ndzi ta ku lulamisa hi mpimo lowu faneleke, hikuva a ndzi nge ku tshiki ndzi nga ku xupuli.”+

10 Twanani rito ra Yehovha, N’wina matiko, mi ri twarisa eswihlaleni swa le kule,+ mi ku: “Loyi a hangalasaka Israyele u ta n’wi hlengeleta,+ kunene u ta n’wi hlayisa hilaha murisi a wu hlayisaka hakona ntlhambi wakwe.+