7 “Ndzi ta hetisisa ntwanano wa mina lowu nga exikarhi ka mina na wena+ ni mbewu ya wena leyi nga ta ku landzela, hi ku ya hi switukulwana swa vona eka ntwanano wa hilaha ku nga riki na makumu,+ leswaku ndzi tikombisa ndzi ri Xikwembu eka wena ni le ka mbewu ya wena leyi nga ta ku landzela.+

7 Ndzi ta va nyika mbilu ya ku ndzi tiva,+ leswaku hi mina Yehovha; kutani va ta va vanhu va mina,+ mina ndzi ta va Xikwembu xa vona, hikuva va ta tlhelela eka mina hi mbilu ya vona hinkwayo.+

20 leswaku va famba emilawini ya mina, va hlayisa swiboho swa mina swa vuavanyisi, va swi hetisisa hakunene;+ kunene va va vanhu+ va mina kutani mina ndzi va Xikwembu xa vona.”’+

27 Tabernakela ya mina yi ta va ehenhla ka vona,+ kunene ndzi ta va Xikwembu xa vona, vona va ta va vanhu va mina.+

10 “ ‘Hikuva lowu i ntwanano lowu ndzi nga ta wu endla ni yindlu ya Israyele endzhaku ka masiku wolawo,’ ku vula Yehovha. ‘Ndzi ta nghenisa milawu ya mina emianakanyweni ya vona, naswona ndzi ta yi tsala etimbilwini+ ta vona. Kutani ndzi ta va Xikwembu+ xa vona, vona va ta va vanhu va mina.+